नयाँ दिल्ली, 09 दिसम्बर (हि.स.)। केन्द्रिय गृहमन्त्री अमित शाहले मंगलवार राज्यसभामा राष्ट्रिय गीत वन्दे मातरमको 150औं वर्षगाठमा छलफलको शुरूआत गर्दै वन्दे मातरमको प्रासंगिकता उसको जन्मकालदेखि लिएर आजसम्म बनेको छ र 2047 मा विकसित भारतको निर्माणमा पनि बनिरहने बताएका छन्। उनले यसलाई माँ भारतप्रति समर्पण, कर्तव्य र भक्तिको भावना जगाउने अमर कृति बताए।

उनले भने, स्वतन्त्रता आन्दोलनको समयमा, जहाँ जहाँ देशभक्तहरू भेला हुन्थे, उनीहरूको बैठकहरू वन्दे मातरमबाट शुरू हुन्थ्यो। आज पनि जब वीर सिपाहीहरूले सीमामा देशको रक्षा गर्दै सर्वोच्च बलिदान दिन्छन्, उनीहरूको ओठमा उही शब्दहरू हुन्छन् - वन्दे मातरम।

गृहमन्त्रीले आरोप लगाए कि केही मानिसहरूले यस एतिहासिक चर्चालाई बंगालको चुनाउसँग जोड़ेर यसको महत्त्वलाई कम गर्न खोजिरहेका छन् जबकि यो विषय राजनीतिभन्दा माथि छ। वन्दे मातरमबारे छलफल गर्ने आवश्यकता स्वतन्त्रता आन्दोलनको समय रचिएको बेला पनि थियो, आज पनि त्यस्तै छ र भविष्यमा पनि यस्तै रहनेछ। यसको सान्दर्भिकतामाथि प्रश्न उठाउनेहरूले आफ्नो बुझाइमा पुनर्विचार गर्न आवश्यक छ।

अमित शाहले भने, वन्दे मातरम दासत्वको साङ्लो तोड्ने नारा थियो, स्वतन्त्रता संग्रामको लागि उत्साह र प्रेरणाको स्रोत थियो। जब शहीदहरूले मातृभूमिको लागि आफ्नो जीवन बलिदान दिन्थे, यो नाराले उनीहरूलाई अर्को जन्ममा भारतमा जन्मेर देशको सेवा गर्न प्रेरित गर्थ्यो।

उनले बताए, यस रचना मार्फत बंकिमचन्द्र चट्टोपाध्यायले भारतलाई आमा मान्ने सांस्कृतिक परम्परा र सांस्कृतिक राष्ट्रवाद स्थापित गरे। उत्पीड़न, प्रतिबन्ध र दमन भएपनि यो गीत कश्मीरदेखि कन्याकुमारीसम्म हरेक घरमा पुग्यो र मानिसहरूको हृदयलाई छोयो।

अमित शाहले भने, वन्दे मातरम शताब्दीयौंदेखि चलिआएको विदेशी आक्रमण र अंग्रेजहरूले लगाएको सांस्कृतिक प्रभावको प्रतिरोधको पनि प्रतीक रह्यो। यस पृष्ठभूमिमा, बंकिम बाबूले यो अमर कृति रचना गरे, जसले देशवासीहरूमा अदम्य आत्मविश्वास र राष्ट्रिय चेतना जगायो।

हिन्दुस्थान समाचार / भवानी थामी