गान्तोक, 11 मार्च (हि.स.)। देशका विभिन्न राज्यबाट वर्तमान समयमा मसुरीको एलबीएसएसएनएमा प्रशिक्षण लिइरहेका नवनियुक्त आईएएस अधिकारीहरूको एक टोलीले आज सिक्किमका राज्यपाल ओम प्रकाश माथरसँग राजभवनमा भेट गरे। भारत दर्शन कार्यक्रमको एक भागको रूपमा आईएएसका टोली देशको विभिन्न राज्यको भ्रमण गर्दै सिक्किम आइपुगेका हुन्।

राज्यपालसँगको भेटको क्रममा आईएएस अधिकारीहरूले विभिन्न स्थानहरूको भ्रमण गरेपछि आफ्ना अवलोकन र अनुभवहरू साझा गरे। उनीहरूले बताए अनुसार, सिक्किम राज्य एक उदाहरण हो, जहाँ सरसफाई, प्लास्टिकमुक्त हुनको साथै राम्रोसँग मर्मत गरिएका सडकहरूको विशेषताका लागि परिचित छ, जसले यसलाई देशको अन्य अन्य पहाडी राज्यहरूभन्दा भिन्न बनाएको छ। उनीहरूले राज्यको उन्नत निकासी प्रणालीको पनि प्रशंसा गरे।

आफ्नो संक्षिप्त सम्बोधनमा राज्यपाल माथुरले सिक्किमको रणनीतिक महत्व र सामाजिक-सांस्कृतिक विकाससँग सम्बन्धित धेरै प्रमुख पक्षहरूमाथि प्रकाश पारे। उनले सिक्किमको अन्तरराष्ट्रिय सीमाको महत्त्वमाथि प्रकाश पार्दै विशेष गरेर चीनसँग सिमाना जोडिएको नाथुलाको सन्दर्भमा जानकारी गराए।

राज्यपालले प्रत्येक 11 सेप्टेम्बरमा पालन गरिने नाथुला दिवस अब नाथुला विजय दिवसको रूपमा मनाइने बताए। यस दिनले राजस्थानका मेजर जनरल सगत सिंहले चिनियाँ आक्रमणबाट नाथुला र चोला पासको रक्षा गर्न खेलेको महत्त्वपूर्ण भूमिकालाई स्मरण गराउँदै आइरहेको उनले बताए। उनले २०१७ को चीन-भारत सीमा गतिरोध (डोकलाम गतिरोध) लाई पनि उल्लेख गर्दै राष्ट्रको सीमानाको रक्षा गर्न भारतीय सेनाको शक्ति र संकल्पबारे अवगत गराए।

यसबाहेक राज्यपालले सिक्किमका दुर्गम गाउँहरूका विद्यार्थीहरूलाई देशभरि शैक्षिक र सांस्कृतिक आदानप्रदान भ्रमणमा पठाउन राजभवन र भारतीय सेनाको सहयोग साथै प्रयासको उल्लेख गरे। उनले जैविक खेतीमा राज्यको उपलब्धि, मफलर र टोपी बनाउन र बेच्न प्रयोग गरिने अद्वितीय अंगोरा खरायोको फर, र सहज ट्राफिक व्यवस्थापन साथै शून्य हिंसाको लागि राज्यको प्रतिष्ठाबारे पनि अवगत गराए।

हिन्दुस्थान समाचार / प्रदीप