नयाँ दिल्ली, 27 मई (हि.स.)। पेराग्वेका राष्ट्रपति सेन्टियागो पेना पालासिओसले 2 देखि 4 जूनसम्म भारतको राजकीय यात्रा गर्नेछन्। यो उनको भारतको पहिलो यात्रा हो। प्रधानमन्त्री नरेन्द्र मोदीको साथ उनले द्विपक्षीय सम्बन्धहरूको समीक्षा गर्नेछन्। राष्ट्रपति पेना मुम्बई पनि जानेछन् र त्यहाँ नेताहरू र उद्योगपतिहरूलाई भेट्नेछन्।
विदेश मन्त्रालय अनुसार, यस दौड़ाहको माध्यमले दुवै देशबीच सहयोग बढ़ाउने अवसर मिल्नेछ। यो पेराग्वेका कुनै राष्ट्रपतिको भारतको दोस्रो दौड़ाह हो। प्रधानमन्त्री मोदी राष्ट्रपति पेनाको सम्मानमा एक भोज आयोजित गर्नेछन्। यस बाहेक पेनाले राष्ट्रपति द्रौपदी मुर्मूलाई पनि भेट्नेछन्। उनले पेनाको सम्मानमा एक भव्य भोजको आयोजन गर्नेछिन्। उपराष्ट्रपति जगदीप धनखड़ र विदेश मन्त्री डा. एस जयशंकरले पनि राष्ट्रपति पेनालाई भेट्नेछन्। मुम्बईमा राष्ट्रपति पेनाले राज्यका राजनीतिक नेतृत्व, उद्योग प्रतिनिधीहरू, स्टार्टअप र तकनीकी क्षेत्रका नेताहरूलाई भेट्नेछन्।
उल्लेख्य, भारत र पेराग्वेबीच 13 सेप्टेम्बर 1961 मा राजनैतिक सम्बन्ध स्थापित भएको थियो। तबदेखि दुवै देशबीच सौहार्दपूर्ण सम्बन्ध विकसित भएको छ। व्यापार, कृषि, स्वास्थ्य, फार्मास्यूटिकल्स र सूचना प्रौद्योगिकी जस्ता धेरै क्षेत्रहरूमा सहयोग बढ़ेको छ। पेराग्वे भारतको निम्ति ल्याटिन अमेरिकामा एक महत्वपूर्ण व्यापारिक साझेदार हो। धेरै भारतीय कम्पनीहरू अटोमोबाइल र फार्मास्यूटिकल्स क्षेत्रमा पेराग्वेमा सक्रिय छन्। यसका साथै केही पेराग्वेका कम्पनीहरू संयुक्त उद्यमको माध्यमले भारतमा काम गरिरहेका छन्। यसबाट दुवै देशबीच आर्थिक सम्बन्धहरू बढ़ेको छ।
हिन्दुस्थान समाचार / भवानी थामी
