नयाँ दिल्ली, 27 मई (हि.स.)। कांग्रेस संसदीय दलकी अध्यक्ष सोनिया गान्धी आज देशका प्रथम प्रधानमन्त्री पण्डित जवाहरलाल नेहरूको पुण्यतिथिमा उनलाई श्रद्धासुमन अर्पित गर्न शान्ति वन पुगिन्। उनले यस अवसरमा पण्डित नेहरूलाई श्रद्धाञ्जलि अर्पित गरिन्। उनले भनिन्, देशको भविष्यलाई आकार दिनमा पण्डित नेहरूको महत्वपूर्ण भूमिका छ।
कांग्रेसको एक्स अकाउन्टमा साझा गरिएको सूचना अनुसार, कांग्रेस संसदीय दलकी अध्यक्ष सोनिनया गान्धीले भारतका प्रथम प्रधानमन्त्री जवाहरलाल नेहरूको 61औं पुण्यतिथिमा दिल्लीमा उनको स्मारक शान्ति वनमा पुष्पाञ्जलि अर्पित गरिन्।
कांग्रेस अध्य़क्ष मल्लिकार्जुन खरगेले पण्डित जवाहर लाल नेहरूलाई श्रद्धाञ्जलि अर्पित गरे। उनले एक्स ह्याण्डलमा लेखेका छन्, भारतलाई शून्यदेखि शिखरसम्म पुऱ्याउने, आधुनिक भारतका निर्माता, लोकतन्त्रको निर्भीक प्रहरी, भारतलाई वैज्ञानिक, आर्थिक, औद्योगिक र विभिन्न क्षेत्रहरूमा विकासशील बनाउने, देशलाई निरन्तर विविधतामा एकताको सन्देश दिने, हाम्रा प्रेरणाश्रोत पण्डित जवाहरलाल नेहरूको पुण्यतिथिमा विनम्र श्रद्धाञ्जलि। पण्डित जवाहरलाल नेहरूको योगदानबिना 21औं शताब्दीको भारतको कल्पना गर्न सकिँदैन।
लोकसभामा नेता प्रतिपक्ष एवं कांग्रेस नेता राहुल गान्धीले पनि पण्डित नेहरूलाई याद गरे। उनले एक्समा लेखेका छन्, भारतका प्रथम प्रधानमन्त्री पण्डित जवाहरलाल नेहरूको पुण्यतिथिमा उनलाई सादर नमन। सशक्त र समावेशी भारतको सपना लिई नेहरूले आफ्नो दूरदर्शी नेतृत्वले स्वतन्त्र भारतको मजबुत आधार राखे। सामाजिक न्याय, आधुनिकता, शिक्षा, संविधान र लोकतन्त्रको स्थापनामा उनको योगदान अमूल्य छ। हिन्दका जवाहरको विरासत र उनको आदर्शले सदैव हाम्रो मार्गदर्शन गरिरहनेछ।
हिन्दुस्थान समाचार / भवानी थामी
