कोलकाता, 29 मई (हि.स.)। प्रधानमन्त्री नरेन्द्र मोदीको पश्चिम बंगालको अलीपुरद्वार जिल्लामा आज प्रस्तावित दुई कार्यक्रमहरूलाई लिएर राजनीति गर्मिएको छ। एकातिर प्रधानमन्त्रीले आफ्नो आधिकारिक एक्स ह्याण्डलबाट कार्यक्रमहरूको जानकारी दिएका छन्। अर्कोतिर, तृणमूल कांग्रेसले तीखो प्रतिक्रिया दिँदै केन्द्र सरकारमाथि बाकी राशि रोकेको आरोप लगायो।
प्रधानमन्त्रीले बुधवार साझँ दुई अलग-अलग पोस्टमा आफ्नो अलीपुरद्वार दौड़ाहको जानकारी साझा गरे। पहिलो सन्देशमा उनले प्रशासनिक कार्यक्रमको उल्लेख गरे, जसमा अलीपुरद्वार र कूचबिहार जिल्लाहरूमा सिटी ग्यास डिस्ट्रीब्यूशन परियोजनाको आधारशिला राखिने कुरा गरियो। प्रधानमन्त्रीले लेखेका छन्, यो परियोजनाले धेरै घरहरूलाई लाभ पुऱ्याउनेछ, पर्यावरणमा सुधार ल्याउनेछ र मानिसहरूलाई रोजगारको अवसर दिनेछ।
दोस्रो सन्देशमा प्रधानमन्त्रीले भाजपाको सार्वजनिक सभाको उल्लेख गर्दै तृणमूल सरकारमाथि भ्रष्टाचार र खराब प्रशासनको आरोप लगाए। उनले लेखेका छन्, गत एक दशकमा एनडीए सरकारको योजनाहरूको बंगालको जनताले सराहना गरेको छ। तर साथै उनीहरू तृणमूलको भ्रष्टाचार र प्रशासनिक विफलताले मर्कामा छन्।
प्रधानमन्त्रीको राजनीतिक बयानमा तृणमूल कांग्रेसले पनि सोशल मीडियामा जवाफ दिएको छ। पार्टीले आफ्नो आधिकारिक एक्स ह्याण्डलमा लेखेको छ, मौसमी पक्षी बंगालको यात्रामा निस्केका छन् भने एउटा साधारण प्रश्नको जवाफ किन दिँदैनन्- केन्द्र सरकारले अहिलेसम्म बंगालको 1.7 लाख करोड़ रूपियाँको वैध बाकीलाई किन रोकेर राखेको छ ?
तृणमूलका प्रदेश महासचिव कुणाल घोषले भने, जब मुख्यमन्त्री ममता ब्यानर्जीले राष्ट्रिय सुरक्षाको मुद्दामा सबै राजनीतिक दलहरूलाई एकजुट गर्ने कुरा गरिरहेकी छन्, यस्तो समयमा प्रधानमन्त्रीद्वारा तृणमूलमाथि हमला गर्नु 'संकुचित राजनीतिक सोच' लाई दर्शाउँछ। उनले यो पनि भने, पार्टी महासचिव अभिषेक ब्यानर्जी सहित तृणमूलका धेरै प्रतिनिधि भारतको दृष्टिकोणलाई अन्तरराष्ट्रिय मंचहरूमा राख्न विदेश यात्रामा छन्।
भाजपाका पूर्व राष्ट्रिय सचिव राहुल सिन्हाले भने, बंगालमा भ्रष्टाचारको स्थिति यति भयानक भइसकेको छ कि त्यसमाथि टिप्पणी गर्नु आवश्यक भएको छ। प्रधानमन्त्री देशको कार्यकारी प्रमुख हुन्, यस्तोमा उनले भ्रष्टाचारको मुद्दाहरूमाथि बोल्नु स्वाभाविक हुन्।
हिन्दुस्थान समाचार / भवानी थामी
