बेङ्गलुरु (कर्नाटक), 31 मई (हि.स.)। कर्नाटकका केही भागहरू हाल भारी वर्षा र पैह्रोको चपेटामा छन् भने सवारी साधन र मानिसहरूको आवागमन प्रभावित बनेका छन्। यस कारण सामान्य जनजीवन अस्तव्यस्त बनेको छ। यसैबीच, शुक्रवार दक्षिण कन्नड जिल्लामा पैह्रोका कारण घर भत्किँदा दुई जनाको मृत्यु भएको छ।
राष्ट्रिय आपदा प्रतिक्रिया बल (एनडीआरएफ) ले अग्नि शमन विभाग, राज्य आपदा प्रतिक्रिया बल (एसडीआरएफ) र अधिकारीहरूसँग मिलेर संयुक्त उद्धार अभियान सञ्चालन गऱ्यो। उद्धार कार्यका क्रममा दुई जनालाई उद्धार गरिएको छ।
एक महिला र एक सानो बालकलाई सफलतापूर्वक उद्धार गरिएको र तुरुन्तै अस्पताल लगिएको एनडीआरएफले एक्स पोस्टमा जनाएको छ। यद्यपि, भग्नावशेषबाट उद्धार गरिएका अन्य दुई जनालाई घटनास्थलमै मृत घोषित गरियो। एनडीआरएफले उक्त क्षेत्रमा भारी वर्षापछि घटना भएको बताएको छ। यसैबीच, राज्यका केही भागहरूमा भारी वर्षालाई ध्यानमा राख्दै सरकारले आपतकालीन तयारीको दायरा विस्तार गरेको छ।
मुख्यमन्त्री सिद्धारमैया शुक्रवार भने, विगत 125 वर्षमा पहिलो पटक राज्यमा मई महिनामा सबैभन्दा धेरै वर्षा भएको छ। उनले 28 जिल्लामा सामान्यभन्दा बढी वर्षा भएको बताए। सबै जिल्लाका उपायुक्तहरू र जिल्ला पञ्चायतका प्रमुख कार्यकारी अधिकृतहरूसँगको समीक्षा बैठकमा सिद्धारमैयाले अधिकारीहरूलाई वर्षा प्रभावित क्षेत्रहरूको भ्रमण गर्न र तुरुन्तै क्षतिपूर्ति घोषणा गर्न निर्देशन दिए।
उपमुख्यमन्त्री डीके शिवकुमारले जनतालाई यस्ता परिस्थितिहरूको सामना गर्न सबै आवश्यक उपायहरू अपनाइएको आश्वासन दिएका छन्। शिवकुमारले भने, कर्नाटकको राजधानी बेङ्गलुरु पनि संवेदनशील छ। राजधानीका संवेदनशील र बाढी जोखिम क्षेत्रहरू पहिचान गरिएको छ।
अधिकारीहरूका अनुसार, वर्षासँग सम्बन्धित दुर्घटनामा शुक्रवार सेन्ट्रल र नेत्रावती क्याबिनबीचको मङ्गलुरु सेन्ट्रल-शोरानूर लाइनमा एउटा ठूलो रूख ढल्यो। यसका कारण शोरानुरतर्फका रेलहरूको आवागमन अवरुद्ध भयो। यद्यपि, मङ्गलुरु जंक्शन तर्फ जाने रेलहरूको सञ्चालन प्रभावित भएन।
हिन्दुस्थान समाचार / भवानी थामी
