पाकिम, 11 जून (हि.स.)। सिक्किमको छैटौं पुरानो बौद्ध गुम्पा कार्थोक गुम्पामा आज सागा दावाको पवित्र पर्व भक्तिभावको साथमा मनाइयो। भगवान शाक्यमुनि बुद्धको जन्म, ज्ञानप्राप्ति र परिनिर्वाणलाई चिन्हित गर्ने सागा दावा पर्व चौथो चन्द्र महिनाको 15औं दिनमा पर्छ।
सिक्किमको पहिलो राजालाई राज्याभिषेक गर्ने तीन महान लामाहरू मध्ये एक काथोक कुन्टु जाङपो द्वारा 1643 मा योक्सममा स्थापित गुम्पा धर्मको संरक्षकको रूपमा उभिएको छ। सन् 1789 को गोरखा आक्रमणको समयमा यसको मूल संरचना भग्नावशेषमा परिणत भयो।
तर, विनाशबाट भाग्यको जन्म भयो। काथोक कुन्टु जाङपोका छोरा काथोक रिक्जिङ छेवाङ नर्बुले छरिएका अवशेषहरू प्राप्त गर्न आध्यात्मिक खोज शुरु गरे। किंवदन्ती अनुसार, जब उनी भग्नावशेषमा पुगे, दुई पवित्र शङ्खहरू अदृश्य शक्तिहरूद्वारा निर्देशित भएर उडे। यी पवित्र शङ्खहरूमध्ये एउटा शङ्खले पाकिममा आफ्नो विश्रामस्थल फेला पाऱ्यो, जहाँ 1880 मा कार्थोक गुम्पा पुन: स्थापित गरियो।
हिन्दुस्थान समाचार / बिशाल
