नयाँ दिल्ली, 18 जून (हि.स.)। एक्सिओम मिशन-4 को प्रक्षेपण (लाञ्चिङ) को नयाँ सम्भावित मिति 22 जून हुनसक्छ। भारतीय अन्तरिक्ष अनुसन्धान संगठन (इसरो) ले आज बिहान आफ्नो एक्स ह्याण्डलमा यो जानकारी दिँदै केही महत्वपूर्ण विवरण जारी गरेको छ।

इसरोले लेखेको छ, इसरो, पोल्याण्ड र हंगरीका टीमहरूले एक्सिओम मिशन-4 को सम्भावित लाञ्च टाइमलाइनबारे एक्सिओम स्पेसको साथ विस्तृत चर्चा गरे। यसपछि एक्सिओम स्पेसले धेरै तत्परता मापदण्डहरूको आकलन गर्नका लागि संयुक्त राज्य अमेरिकाको नेशनल एरोनोटिक्स एण्ड स्पेस एडमिनिस्ट्रेशन (नासा) र स्पेसएक्सको साथ परामर्श गऱ्यो।

इसरोले एक्समा बताएको छ, स्पेसएक्स फाल्कन-9 लाञ्च वाहन, ड्रेगन अन्तरिक्ष यानको तत्परताको स्थिति, अन्तरराष्ट्रिय अन्तरिक्ष स्टेशनको ज्वेज्दा मोड्यूलमा मरम्मती, चढ़ाई कोरिडोरको मौसमको स्थिति र संगरोधमा चालक दलको स्वास्थ्य र तयारीहरूको आधारमा एक्सिओम स्पेसले सूचित गरेको छ कि आगामी सम्भावित लाञ्च मिति 22 जून 2025 हो।

एक्सिओम मिशन-4 को खास कुरा के छ भने नासाको पूर्व अन्तरिक्ष यात्री एवं एक्सिओम स्पेसमा मानव अन्तरिक्ष उड़ानकी निदेशक पैगी व्हिटसनले वाणिज्यिक मिशनको कमान सम्हाल्नेछिन् जबकि भारतीय अन्तरिक्ष अनुसन्धान संगठनका अन्तरिक्ष यात्री सुभांशु शुक्ला पायलटको रूपमा काम गर्नेछन्।

दुई मिशन विशेषज्ञ पोल्याण्डका यूरोपीय अन्तरिक्ष एजेन्सी परियोजना अन्तरिक्ष यात्री स्लावोज उज्नान्स्की-विस्निएव्स्की र हंगरीका टिबोर कपू हुन्। चालक दल फ्लोरिडामा नासाको कैनेडी स्पेस सेन्टरको लाञ्च कम्प्लेक्स 39एबाट फाल्कन-9 मा स्पेसएक्स ड्रेगन अन्तरिक्ष यानमा सवार भएर उड़ान भर्नेछ।

हिन्दुस्थान समाचार / भवानी थामी