तेहरान, 20 जून (हि.स.)। इरानका ब्रिगेडियर जनरल माजिद खादेमीलाई इस्लामिक रिभोलुसनरी गार्ड कोर्प्स (आईआरजीसी) को खुफिया संगठनको नयाँ प्रमुख नियुक्त गरिएको छ। आईआरजीसीका कमाण्डर-इन-चीफ ब्रिगेडियर जनरल मोहम्मद पाकपुरले आधिकारिक रूपमा यसको घोषणा गरे। उनले भने, ब्रिगेडियर जनरल माजिद खादेमीले अब आईआरजीसी खुफिया संगठनको नेतृत्व गर्नेछन्। खादेमीले यसअघि आईआरजीसीको सुरक्षा र खुफिया संगठनको प्रमुखको रूपमा काम गरिसकेका छन्।
तेहरान टाइम्सको समाचार अनुसार, आईआरजीसीका कमाण्डर-इन-चीफ ब्रिगेडियर जनरल मोहम्मद पाकपुरले ब्रिगेडियर जनरल माजिद खादेमीलाई नयाँ जिम्मेवारी दिएका छन्। यसैबीच, इस्लामिक रिवोल्यूशन गार्ड्स कोरसॅंग सम्बद्ध इरानको सरकारी समाचार एजेन्सी 'तस्नीम न्यूज' ले इस्लामी क्रान्तिका नेता अयातुल्ला सैयद अली खामेनेईले ब्रिगेडियर जनरल मोहम्मद करामीलाई इस्लामी क्रान्ति गार्ड कोर ग्राउन्ड फोर्सको नयाँ कमाण्डर नियुक्त गरेको रिपोर्ट गरेको छ।
19 जूनमा जारी एक आदेशमा ईरानी सशस्त्र बलका कमाण्डर इन चीफ अयातुल्ला खामेनेईले ब्रिगेडियर जनरल करामीलाई मेजर जनरल मोहम्मद पाकपुरको ठाउॅंमा नियुक्त गरेका थिए। पाकपुरलाई आईआरजीसी कमाण्डरको रूपमा पदोन्नति गरिएको छ।
हिन्दुस्थान समाचार / भवानी थामी
