मुम्बई, 23 जून (हि.स.)। गोरेगाउँ फिल्म सिटीमा टीवीको पोप्युलर सीरियल ‘अनुपमा’ को सेटमा सोमवार बिहान अचानक भीषण आगो लाग्यो। यस घटनामा अनुपमाको सेट पूर्ण रूपमा जलेर खरानी भयो। फायर ब्रिगेडको टीम तत्काल घटनास्थलमा पुग्यो र आगो निभायो। घटनामा कोही हताहत भएको छैन। आरे मार्ग पुलिस स्टेशनको टीमले घटनास्थलमा आगो लागेको कारणहरूको छानबीन गरिरहेको छ।

पुलिस अनुसार, गोरेगाउँ फिल्म सिटीमा सीरियल 'अनुपमा' को सेटमा आज बिहान शूटिङ चलिरहेको थियो। सोही अवधि बिहान लगभग 5 बजी सीरियलको सेटमा आगो लाग्यो, जसबाट यहाँ कोकोहोलो मच्चियो। आगोको सूचना पाउनसाथ फायर ब्रिगेडको टीम घटनास्थलमा पुग्यो। आगो निभाइएको छ तर सेट पूर्ण रूपमा जलेको छ, जसबाट निर्मातालाई भारी नोकसान भएको छ।

अर्कोतिर, अखिल भारतीय सिने वर्कर्स एसोसिएशन (एआईसीडब्ल्यूए) का अध्यक्ष सुरेश श्यामलाल गुप्ताले राज्यका मुख्यमन्त्री देवेन्द्र फडणवीसलाई चिट्ठी लेखेर आगोको घटनाको उच्चस्तरीय जाँचको माग गरेका छन्। उनले सुरक्षा मानदण्डहरू लागू गर्नमा विफल रहेकोमा फिल्म सिटीको प्रबन्ध निदेशक र मुम्बई श्रम आयुक्तलाई तत्काल निलम्बित गरिने माग पनि गरेका छन्। एआईसीडब्ल्यूएको आरोप छ कि उनीहरूको मिलीभगत र जानीबुझेर गरिएको लापरवाहीको कारण निर्माताहरूलाई अनिवार्य अग्नि सुरक्षा प्रोटोकलको पानल गर्नका लागि बाध्य गरिँदैन, जसबाट हजारौं श्रमिकहरूको जीवन गम्भीर जोखिममा छ।

एआईसीडब्ल्यूएले निर्माताहरू, प्रोडक्शन हाउस, टेलीविजन च्यानलका साथै फिल्म सिटीको प्रबन्ध निदेशक र श्रम आयुक्त विरूद्ध आपराधिक एफआईआर दर्ता गर्ने र के आगो जानीबुझेर निर्माताहरूद्वारा लगाइएको थियो वा च्यानलले बीमाको दाबी गर्न अवैध रूपमा यसको प्रयोग गरेको थियो, यसको पत्तो लगाउन गहन जाँचको माग गरेको छ।

उल्लेख्य, ‘अनुपमा’ एक लोकप्रिय टीवी सीरियल हो, जसलाई देशभरिमा लाखौं मानिसले हेर्छन्। यस घटनाले शोको आगामी शूटिङ शेड्यूललाई प्रभावित गर्नसक्छ।

हिन्दुस्थान समाचार / भवानी थामी