तेहराना, 25 जून (हि.स.)। ईरानको परमाणु ऊर्जा एजेन्सी (एईओआई) ले अमेरिकाका राष्ट्रपति डोनाल्ड ट्रम्पको हालको दाबीलाई खारेज गर्दै स्पष्ट गरेको छ कि उसको परमाणु कार्यक्रम कुनैपनि मूल्यमा रोकिनेछैन। एईओआईका प्रवक्ताले मंगलवार बयान जारी गरी भने, ईरान यूरेनियम संवर्धनलाई पुनः शुरू गर्न पूर्ण रूपमा तयार छ र यो प्रक्रिया कुनै बाहिरी दबाउ अधीन पर्दैन।

एईओआईले भनेको छ, ईरानको परमाणु कार्यक्रम पूर्ण रूपमा शान्तिपूर्ण उद्देश्यहरूका लागि हो र यो हाम्रो राष्ट्रिय सम्प्रभुता र वैज्ञानिक आत्मनिर्भरताको प्रतीक हो। हामी आफ्नो अधिकारहरूदेखि पछि हट्नेछैनौं।

एजेन्सीले थप भनेको छ, यूरेनियम संवर्धनको प्रक्रिया अन्तरराष्ट्रिय परमाणु ऊर्जा एजेन्सीका दिशानिर्देशहरू अन्तर्गत गरिनेछ तर राजनीतिक दबाउ वा समझौताहरूको आधारमा यसको त्याग गरिनेछैन।

ईरानको यो प्रतिक्रिया तब आयो जब राष्ट्रपति ट्रम्पले दाबी गरे कि उनको पहलले ईरानले अब विश्वको सबैभन्दा घातक हतियार अर्थात् परमाणु बम कहिले पनि हासिल गर्नसक्नेछैन। उनले यस दाबीलाई आधार बनाएर आफूलाई नोबेल शान्ति पुरस्कारको निम्ति नामित पनि गरेका छन्।

अर्कोतिर, ईरान-इजराइलबीच संघर्षविराम लागू हुनुलाई ट्रम्पले एक “ऐतिहासिक उपलब्धि” बताए। यद्यपि, ईरानले न केवल यस संघर्षविरामलाई “एकतर्फी अमेरिकी प्रचार” भन्यो तर ट्रम्पको परमाणु दाबीहरूलाई पनि राजनीतिक लाभको निम्ति बनाइएको झूट पनि ठहर गरेको छ।

हिन्दुस्थान समाचार / भवानी थामी