कोलकाता, 28 जून (हि.स.)। केन्द्रिय रेल सूचना एवं प्रसारण तथा इलेक्ट्रोनिक्स एवं आईटी मन्त्री अश्विनी वैष्णवले शनिवार सान्तरागाछी रेलवे स्टेशनबाट भीडियो कन्फ्रेन्सिङको माध्यमले पुरूलिया-बांकुड़ा-हावड़ा मेमू ट्रेन (मसाग्रामको बाटो) को पहिलो सेवालाई हरियो झण्डा देखाएर प्रस्थान गराए।

यस अवसरमा उनले प्रधानमन्त्री नरेन्द्र मोदीलाई रेलवे विस्तार, आधुनिकीकरण र यात्री सुविधाहरूलाई लिएर प्राथमिकताहरूको उल्लेख गर्दै भने, लगभग 12 लाख रेलवे कर्मचारीले यस सपनालाई साकार गर्न सतत परिश्रम गरिरहेका छन्। वर्ष 2009 देखि 2014 सम्म जहाँ पश्चिम बंगालमा रेलवेमाथि लगभग 4380 करोड़ रूपियाँको निवेश भएको थियो भने वर्तमानमा यो आंकड़ा बढ़ेर लगभग 14 हजार करोड़ रूपियाँसम्म पुगेको छ। 2014 देखि 2025 बीच कोलकाता मेट्रोको नेटवर्कमा 41 किलोमीटरको वृद्धि भएको छ जबकि 1972 देखि 2014 बीच केवल 28 किलोमीटर नै जोड़िनसकेको थियो।

उनले कोलकाता मेट्रो र अन्य रेलवे परियोजनाहरूसित जोड़िएको भूमि अधिग्रहण, यातायात अनुमति जस्ता चुनौतीहरूको उल्लेख गर्दै ऱाज्य सरकार र सम्बन्धित अधिकारीहरूसित राजनीतिदेखि माथि उठेर जनसेवालाई प्राथमिकता दिने आग्रह गरे। उनले खास गरी खिदिरपुर, चिंगड़ीघाटा र बेलीघाटा जस्ता स्थानहरूका साथै विष्णुपुर-तारकेश्वर रेल रूटमा आइऱहेका बाधाहरूतिर ध्यान आकर्षित गरे।

अमृत स्टेशनको रूपमा विकसित भइरहेछ आन्तरागाछी स्टेशन

वैष्णवले सान्तरागाछी रेलवे स्टेशनको 'अमृत स्टेशन' को रूपमा विकासको सराहना गर्दै भने, गत 1.5 वर्षमा यस परियोजनाले उल्लेखनीय प्रगति गरेको छ। यो स्टेशनलाई एक स्मार्ट, पर्यावरण-हितैषी र यात्री अनुकूल केन्द्रको रूपमा विकसित गरिँदैछ, जसलाई 2063 सम्म प्रतिदिन 50 हजारभन्दा अधिक यात्रीहरूलाई सम्हाल्ने तयार गरिँदैछ।

हिन्दुस्थान समाचार / भवानी थामी