कोलकाता, 21 जुलाई (हि.स.)। तृणमूल कंग्रेसको शहीद श्रद्धाञ्जलि सभाको मञ्चबाट पश्चिम बंगालका मन्त्री फिरहाद हकिम र मेघायलका पूर्व मुख्यमन्त्री मुकुल संगमाले भारतीय जनता पार्टी (भाजपा)-माथि धारिलो प्रहार गर्दै भारतीय संस्कृति, बंगालको पहिचान तथा पूर्वोत्तरका मुद्दाहरूलाई प्रमुखताले उठाए।

सोमवार आयोजित सभालाई सम्बोधन गर्दै मन्त्री एवं कोलकाताका मेयर फिरहार हकिमले भने, भाजपा केन्द्रमा आएदेखि नै साम्प्रदायिकतालाई प्रेरित गरिरहेको छ। कोही (शुभेन्दु अधिकारी) यहाँबाट उठेर अर्कोतिर जान्छन्। तर हामी सबैले याद राखौं कि यो स्वामी विवेकानन्द र रवीन्द्रनाथ ठाकुरको बंगाल हो। यहाँ विभाजनको राजीति चल्दैन हकिमले 1993 सालको 21 जुलाईमा भएको घटनालाई स्मरण गर्दै भने, त्यस दिन ममता ब्यनर्जी मृत्युको मुखबाट फर्किएकी थिइन्। उनले यो पनि भने, यदि आवश्यकता परे हामी रगत बगाउन तयार छौं। हामी ममता ब्यानर्जीका सिपाही हौं।

उनले बंगालीहरू विरूद्ध कथित अपमानजनक व्यवहारलाई लिएर भाजपालाई ललकार्दै भने, बंगला भाषा बोल्नेहरूलाई के तपाई बंगलादेशी भन्नुहुन्छ? कसैकोमा शक्ति छ हामीलाई बंगालबाट निकाल्ने? यदि बंगालीहरूको अपमान गरिन्छ भने हामी गर्जिएर जवाफ दिनेछौं।

त्यसपछि मञ्चमा पुगेका मेघालयका पूर्व मुख्यमन्त्री औ तृणमूल नेता मुकुल संगमाले पनि भाजपालाई लक्षित गर्दै भने, भाजपाले देशभरि नै विभाजनको राजनीति गरिरहेको छ। तर यो स्वामी विवेकानन्दको बंगाल हो। यहाँ कहिल्यै पनि साम्प्रदायिक राजनीति चल्दैन। बंगालका मानिसहरू ममता दिदीको साथमा छन्।

हिन्दुस्थान समाचार / उष्णता छेत्री शर्मा