शिमला, 03 जुलाई (हि.स.)। भविष्यको चुनौतीहरू अनुरूप भारतीय सेनाले अब आफूलाई आधुनिक बनाइरहेको छ। युद्धको बदलिन्दो स्वरूपलाई ध्यानमा राखेर सेना प्रशिक्षण कमान (आरट्रैक) वर्ष 2027 सम्म ड्रोन समेत 33 नयाँ तकनीकहरूमा जवानहरूलाई प्रशिक्षित गर्नेछ। यो जानकारी सेना प्रशिक्षण कमानका जनरल अफिसर कमान्डिङ-इन-चीफ (जीओसी-इन-सी), लेफ्टिनेन्ट जनरल देवेन्द्र शर्मा, पीवीएसएम, एवीएसएम, एसएमले बिहिवार शिमलामा आयोजित आरट्रैक अलंकरण समारोह 2025 मा दिए।

लेफ्टिनेन्ट जनरलले भने, आज युद्ध केवल पारम्परिक हरियारहरूले लड़िँदैन तर तकनीकले यसको दिशा र परिणाम तय गरिरहेको छ। आरट्रैकद्वारा 15 प्रमुख प्रशिक्षण प्रतिष्ठानहरूलाई नयाँ तकनीकहरूमा विशेषज्ञताको केन्द्रको रूपमा विकसित गरिँदैछ। प्रशिक्षण र बुनियादी ढांचाको निम्ति 390 करोड़ रूपियाँको योजना बनाइएको छ। यस अन्तर्गत 57 नयाँ पहलहरू शुरू गरिएको छ।

वर्ष 2024-25 मा आरट्रैकले 18,000 जवानलाई उन्नत तकनीकी प्रशिक्षण दिएको छ। वर्ष 2025-26 मा यो संख्या 21,000 सम्म पुऱ्याउने योजना छ। यी सबै प्रयास भारतीय सेनालाई 'भविष्यको निम्ति तयार सेना' बनाउने दिशामा एक महत्वपूर्ण कदम हो। महिलाहरूको भागीदारीमाथि विशेष रूपमा जोड दिँदै बताए, वर्तमानमा 1800 भन्दा धेरै महिलाहरूले सेनाका विभिन्न ऱ्याङ्कहरू र क्षेत्रहरूमा गर्वले आफ्नो सेवाहरू दिइरहेका छन्।

समारोहमा उत्कृष्ट प्रदर्शन गर्न तीन श्रेणी 'ए' प्रतिष्ठानहरू र दुई सम्बद्ध एकाईहरूलाई 'जीओसी-इन-सी सेना प्रशिक्षण कमान एकाई प्रशस्ति पत्र' ले सम्मानित गरियो।

हिन्दुस्थान समाचार / भवानी थामी