लस एञ्जलस, 04 जुलाई (हि.स.)। हलीवुड अभिनेता माइकल म्याडसेनको 67 वर्षको आयुमा ह्रदयघातका कारण बिहिवार बिहान निधन भएको छ। उनलाई मालिबूस्थित उनको घरमा अचेत अवस्थामा पाइएको थियो। उनले फिल्म निर्देशक क्वेन्टिन टारनटिनोका धेरै फिल्महरूमा स्मरणीय अभिनय गरेका छन्। उनकी प्रवक्ता लिज रोड्रिगेजले उक्त जानकारी दिएका छन्।

सीएनएनको समाचार अनुसार, यस सम्बन्धमा बोहेमिया एन्टरटेनमेन्टको सुसान फेरिस र रन स्मिथ र प्रवक्ता लिज रोड्रिगेजले संयुक्त बयान जारी गरेका छन्। बयानमा भनिएको छ, माइकल म्याडसेन हलीवुडको सबैभन्दा प्रतिष्ठित अभिनेताहरू मध्ये एक थिए। उनलाई धेरैले स्मरण गर्नेछन्। लास एञ्जल्स शेरिफ डिपार्टमेन्ट लस्ट हिल्स स्टेशनका वाच कमाण्डर सर्जेन्ट क्रिस्टोफर जोरेगूईले भने, बिहान अधिकारी मालिबूमा म्याडसेनको घर पुग्दा उनलाई अचेत अवस्थामा पाए। स्थानीय समय अनुसार बिहान 8:25 बजी उनलाई मृत घोषित गरियो।

म्याडसेनका बहुचर्चित फिल्महरूमा रिजर्वायर डग्स, वन्स अपन ए टाइम इन् हलीवुड र किल बिल प्रमुख छन्। किल बिलमा उनको खलनायकको भूमिकालाई कहिल्यै बिर्सन सकिने छैन। उनले 80 को दशकको शुरुवातमा टीवीलाई अभिनयको माध्यम चुनेका थिए। 1983 मा 'सेन्ट एल्सवेयर' बाट उनले आफ्नो अभिनयको यात्रा शुरू गरेका थिए। यसपछि, उनी फिल्मको संसारमा अघि बढेका थिए।

हिन्दुस्थान समाचार / भवानी थामी