गान्तोक, 04 जुलाई (हि.स.)। मुख्यमन्त्री प्रेमसिंह तामाङले शुक्रवार बिहान पश्चिम सिक्किमको माङसरीमा मंगरजोङ विकास परियोजना क्षेत्रको निरीक्षण भ्रमण गरे। भ्रमण अ​वधि मुख्यमन्त्रीले परियोजनाको वर्तमान स्थिति र अहिलेसम्म भएको प्रगतिको बारेमा जानकारी लिए। उक्त जानकारी मुख्यमन्त्रीले आज बिहान सामाजिक सञ्जालमा दिएका छन्।

मुख्यमन्त्रीले मैदानमा प्रतिबद्धता, समन्वय र कडा परिश्रम देख्न पाउनु साँच्चै उत्साहजनक रहेको उल्लेख गरेका छन्। उनले ठेकेदारहरू र प्रमुख सरोकारवालाहरूसँग अर्थपूर्ण छलफल भएको र अघि आइरहेका चुनौतीहरू र भावी योजनाको बारेमा बहुमूल्य अन्तर्दृष्टि प्राप्त गरेको जानकारी गराएका छन्। उनले परियोजनाको वृहत् दृष्टिकोणलाई ध्यानमा राख्दै बाँकी काम समयमै र प्रभावकारी रूपमा सम्पन्न गर्न निर्देशन दिएका छन्।

हिन्दुस्थान समाचार / बिशाल