वाशिङ्गटन, 23 अगस्त (हि.स.)। व्हाइट हाउसको प्रेसिडेन्शियल पर्सनल अफिसका वर्तमान निदेशक सर्जियो गोर भारतमा अमेरिकाका राजदूत हुनेछन्। राष्ट्रपति डोनाल्ड ट्रम्पका विश्वासपात्रहरूमा सामेल सर्जियो गोरलाई दक्षिण र मध्य ​एशियाली मामिलाको लागि विशेष दूतको जिम्मेवारीको लागि नामत गरिएको छ। सर्जियो गोर भारतमा अमेरिकाका 26औं राजदूत बन्नेछन्। भारतमाथि लगाइएको भारी ट्यारिफबीच ट्रम्पले उक्त फसेला गरेका छन्।

राष्ट्रपति ट्रम्पले यसको घोषणा गर्दै सोशल मिडिया प्लेटफर्म ट्रुथ सोशलमा लेखेका छन्, सर्जियो गोरलाई भारतमा अर्का अमेरिकी राजदूत र दक्षिण एवं मध्य एशियाली मामिलाको लागि विशेष दूत नियुक्त गरिॅंदैछ। ट्रम्पले सर्जियो उनै व्यक्ति हुन् जसले 'मेक अमेरिका ग्रेट अगेन' मिशनलाई अगाडि बढाउने छन् भनी विश्वास व्यक्त गरेका छन्।

भारतमा अमेरिकी राजदूत नामित भएपछि सर्जियो गोरले राष्ट्रपति ट्रम्पलाई आभार व्यक्त गर्दै सोशल मिडिया प्लेटफर्म एक्समा लेखेका छन्, 'संयुक्त राज्य अ​मेरिकाको प्रतिनिधित्व गर्नु मेरो जीवनको सबैभन्दा ठूलो सम्मान हुनेछ। हाम्रो व्हाइट हाउसले अमेरिकालाई फेरि महान बनाउन ऐतिहासिक उपलब्धी हासिल गरेको छ।'

सर्जियो गोर, भारतमा अमेरिकी राजदूतको रूपमा सेवा दिने एरिक गार्सेटीका उत्तराधिकारी हुनेछन्, जसले यो वर्ष जनवरीसम्म भारतमा आफ्नो सेवा दिए। यसपछि, गत सात महिनादेखि यो पद खाली थियो। गोर सीनेटबाट स्वीकृति प्राप्त नभएसम्म आफ्नो वर्तमान भूमिकामा रहनेछन्। उनको नियुक्तिलाई सिनेटले अनुमोदन गर्न बाँकी छ।

हिन्दुस्थान समाचार / भवानी थामी