नैरोबी, 29 अगस्त (हि.स.)। रवान्डाले यस महिनाको शुरूआतमा अमेरिकाबाट निर्वासित सात प्रवासीहरूलाई स्वीकार गरेको छ। यो कदम यस्तो समय उठाइएको छ जब हालमा दुवै देशबीच 250 प्रवासीसम्मको ट्रान्सफरको निम्ति समझौता भएको थियो।

रवान्डा सरकारका प्रवक्ता योलान्डे माकोलोले बिहिवार जारी बयानमा भने, पहिलो समूह, जसमा सात सत्यापित प्रवासी सामेल थिए, अगस्तको मध्यमा रवान्डा पुगे। यसमध्ये तीनले आफ्नो मूल देश फर्किने इच्छा व्यक्त गरेका छन् जबकि चार जना यही बसेर नयाँ जीवन शुरू गर्न चाहन्छन्। उनीहरूको आवश्यताहरू अनुसार सबैलाई आवश्यक सहायता र सुरक्षा प्रदान गरिनेछ।

माकोलोले बताए, यी प्रवासीहरूलाई वर्कफोर्स ट्रेनिङ, स्वास्थ्य सेवाहरू र आवासको सुविधा प्रदान गरिनेछ। प्रवासीहरूको साथ एक अन्तरराष्ट्रिय संगठनको प्रतिनिधि उपस्थित थिए र उनीहरूलाई अन्तरराष्ट्रिय प्रवासन संगठन (आईओएम) र रवान्डाको सामाजिक सेवाहरूद्वारा सहायता प्रदान गरिँदैछ।

वस्तुतः अमेरिकाका राष्ट्रपति डोनाल्ड ट्रम्पले लामो समयदेखि सख्त इमिग्रेशन नीति अपनाइरहेका छन्। उनको लक्ष्य़ अमेरिकामा अवैध रूपमा बसिरहेका लाखौं प्रवासीहरूलाई देशदेखि बाहिर निकाल्नु हो। प्रशासनको भनाई छ, थर्ड-कन्ट्री डिपोर्टेशन यस्ता प्रवासीहरूलाई तीव्र गतिमा हटाउनमा मद्दत गर्दछ, जसमा आपराधिक पृष्ठभूमि भएका मानिसहरू पनि सामेल हुनसक्छन्।

यद्यपि, मानवाधिकार समूहहरूले यस नीतिको आलोचना गरेका छन्। उनीहरूको भनाई छ, यो कदम खतरनाक र अमानवीय हो किनभने प्रवासीहरूलाई यस्ता देशहरूमा पठाउन सकिन्छ, जहाँ उनीहरूले हिंसा, असुरक्षा, भाषा र सांस्कृतिक चुनौतीहरूको सामना गर्नसक्छन्।

हिन्दुस्थान समाचार / भवानी थामी