कोलकाता, 30 अगस्त (हि.स.)। दक्षिण 24 परगनाको बासन्ती ब्लकस्थित भारतगढ़ क्षेत्रमा शनिवार यशोदा विद्यापीठकी 17 वर्षीय छात्राले आत्महत्या गरिन्। परिवारको आरोप छ, प्रेमीको विश्वासघात तथा अचानक अर्की महिलासित विहेको खबर सुनेर छात्राले यो कदम उठाएको हो। यस घटनाको कारणले सम्पूर्ण क्षेत्रमा शोक र आक्रोशको वातावरण सृजना भएको छ।

सूत्र अनुसार उसको कालीडांगा ईदगाह मैदान क्षेत्रको एकजना युवकसित लामो समयदेखिकै प्रेम सम्बन्ध थियो। परिवारको भनाइ छ, युवकले छात्रासित विवाह गर्ने वाचा गरेको थियो। तर केही दिनपूर्व प्रेमीले अचानक अन्य कसैसित विहे गरेको कुरा छात्राला थाहा पाइन्। त्यसपछि धोका र मानसिक आघातलाई उसले सहन गर्न सकिन जसले गर्दा उसले शनिवार आफ्नै घरमा फाँसी लगाइन्।

छिमेकीहरूको भनाइ छ, छात्रा पढ़ाईमा होनहार र स्वभावले शान्त थी। कलिलै उमेरमा उसको मृत्युले सम्पूर्ण गाउँ शोकमा डुबेको छ। घटनाको सूचना पाउनसाथ बासन्ती थानाको पुलिस घटनास्थलमा पुग्यो अनि शवलाई पोस्टमर्टम गर्नको लागि पठाइदियो। पुलिसको प्रारम्भिक जाँचमा प्रेम सम्बन्धमा धोका नै आत्महत्याको मुख्य कारण मानिँदैछ। तथापि अन्य पाटोहरूको पनि जाँच गरिँदैछ।

हिन्दुस्थान समाचार / उष्णता छेत्री शर्मा