पूर्वी सिंहभूम, 30 अगस्त (हि.स.)। गोलमुरी थाना क्षेत्रबाट भयानक तथा मानवतालाई नै लज्जित पार्ने घटना सामु आएको छ। ट्यूलाडूंगरी निवासी एकजना महिलाले आरोप लगाएकी छन्, उसका पतिले बलजफ्ती देह व्यापारमा धकेल्ने प्रयास गऱ्यो अनि अस्वीकार गर्दा उसलाई पाँच दिनसम्म घरभित्रै बन्धक बनाएर शारीरिक तथा मानसिक प्रताड़ना गऱ्यो। त्यसपछि आरोपीले चक्कुले उसको अनुहार, शहीरका अन्य भागहरूमा प्रहार गरी गम्भीर रूपमा घाइते बनाइदियो।

ट्यूलाडूंगरी निवासी चन्दा सिंहले गए शुक्रवार अबेर राती गोलमुरी थानामा पुगेर आफ्नो पति आकाश कान्त लाल र सासु-ससुराविरूद्ध गम्भीर आरोप सहित प्राथमिकी दर्ता गराएकी छन्। पीड़िताले बताइन्, तिनले तीन वर्षपूर्व आकाशसित प्रेम विवाह गरेकी थिइन्। शुरूमा सबै कुरा सामान्य रह्यो, तर केही महिना बितेपछि तिनलाई थाहा भयो कि तिनका पति र परिवार देह व्यापारको धन्दामा सक्रिय छन्।

चन्दा अनुसार हालैमा आकाशले तिनलाई चाईबासामा लगेर वेश्यावृत्तिको लागि बाध्य गर्ने चेष्टा गरे। तिनले अस्वीकार गर्दा आकाशले तिनलाई घरमा ल्याएर कोठाभित्र बन्द गरेर पाँच दिनसम्म शारीरिक रूपमा प्रताड़ित गरिरह्यो। यतिसम्म गरियो कि उसको अनुहार, शरीरका अन्य भागमा चक्कुले प्रहार गरियो।

गम्भीर रूपमा घाइते चन्दा भागेर आफ्नो माइत सोनारीसम्म पुग्न सफल भइन्। परिवारलाई सबै कुरा बताएपछि तिनलाई रगताम्मे अवस्थामा एमजीएम अस्पतालमा भर्ती गरियो। उपचारपछि गए शुक्रवार परिवारको साथमा थानामा पुगेकी चन्दाले आफ्ना पति, सासु-ससुराविरूद्ध देह व्यापारमा बलजफ्ती सामेल गराएको, बन्धक बनाएर प्रताड़ित गरेको तथा ज्यानमारा हमला गरेको सिकायत दर्ता गराइन्।

चन्दाले पुलिसलाई यो पनि बताइन्, आकाश पहिला पनि देह व्यापारको मामिलामा जेल गइसकेको छ। अब उसले उसको परिवारलाई लगातार ज्यानमारा धम्की दिरहेको छ। चन्दाले प्रशासनसित आफ्नो र परिवारको सुरक्षा सुनिश्चित गर्नको लागि गुहार मागेकी छन्। अर्कोतिर गोलमुरी पुलिस अनुसार सिकायत दर्ता भएपछि जाँच शुरू गरिएको छ।

हिन्दुस्थान समाचार / उष्णता छेत्री शर्मा