कोलकाता, 30 अगस्त (हि.स.)। राज्यमा मनसुनको प्रभाव यथावत छ। निम्न दबाव कमजोर बन्दै गए पनि मनसुनी अक्षरेखाको प्रभावले शनिवार र आइतवार दक्षिण बंगालका केही जिल्लाहरूमा वर्षा जारी रहने सम्भावना छ। साथै 30-40 किलोमीटर प्रतिघण्टाको गतिले तीव्र हावा चल्नसक्छ।

दक्षिण बंगालका अधिकांश जिल्लाहरू जस्तै हावड़ा, हुगली, उत्तर औ दक्षिण 24 परगना, पूर्व औ पश्चिम बर्दवान, पूर्व एवं पश्चिम मेदिनीपुर, नदिया, मुर्शिदाबाद, पुरुलिया, बाँकुड़ा तथा बीरभूममा शनिवार पानी पर्ने प्रबल सम्भावना छ। हावड़ा र हुगली जिल्लामा पनि भारी वर्षा हुने पूर्वानुमान जारी गरिएको छ। मौसम विभाग अनुसार आइतवार पनि हल्कादेखि मध्यम वर्षा हुनेछ भने सोमवार बिस्तारै मौसममा सुधार आउनसक्छ।

कोलकातामा शनिवार अधिकतम तापमान 31 डिग्री सेल्सियस औ न्यूनतम तापमान 26 डिग्री सेल्सियस दर्ता गरियो। मौसम विभाग अनुसार आगामी 24 घण्टाको अवधिमा आकाश सामान्यतः बादलमय रहनेछ भने हल्कादेखि मध्यम वर्षा वा मेघ गर्जन-तूफान आउने सम्भावना छ। पछिल्लो 24 घण्टामा शहरमा 18.8 मिमी वर्षा रेकर्ड गरियो।

उत्तर बंगालका माथिल्लो जिल्लाहरू दार्जीलिङ, कालेबुङ, अलिपुरद्वार तथा कुचबिहारमा शनिवार भारी वर्षा हुनेछ। मौसम विभागानुसार आज सम्पूर्ण क्षेत्रमा वर्षाको प्रभाव देखिनेछ, तर साँझ पर्दा-नपर्दा स्थितिमा सुधार आउनसक्छ।

हिन्दुस्थान समाचार / उष्णता छेत्री शर्मा