आसनसोल, 30 अगस्त (हि.स.)। शहरको डामरा क्षेत्रबाट गए शुक्रवार एकजना किशोरीको शव भेटियो। यस घटनापछि क्षेत्रमा कोकोहोलो मच्चियो। यस मामिलामा पुलिसले राकेश पासवान नामक युवकलाई पक्राउ गरेको छ। प्राथमिक जाँचमा थाहा लागे अनुसार किशोरी राकेशले बोलाएको कारण घरबाट हिँड़ेकी थिई। हाल दुईबीचको सम्बन्धको जाँच गरिँदैछ।

पुलिसले मृतकाको पहिचान गरिरहेको छ जो दुर्गापुरको गोपालमठ क्षेत्रको दशौं कक्षाकी क्षात्रा थिई। घरबाट हिँड़ेदेखि छात्रा बेपत्ता भएकी थिई। गए शुक्रवार बिहान आसनसोल दक्षिण थाना क्षेत्रको 38 नम्बर वार्डस्थित 7 नम्बर खोलनमुख खदान नजिक पलाशबन क्षेत्रमा उसको शव भेटियो।शव देखेपछि स्थानीय मानिसहरूले पुलिसलाई सूचना दिए।

ग्रामीणले अनुमान लगाएका छन्, किशोरीसित दुष्कर्म गरी उसको हत्या गरिदियो अनि पछि शवलाई जलाउने चेष्टा गरियो। केही मानिसहरूले बताए, शव क्षत-विक्षत अवस्थामा थियो। अत्यन्त नृशंस ढंगमा उसको हत्या गरिएको छ। क्षेत्रमा अवैध कोइला तथा ढुङ्गा खानी भएको कारण अपराधीहरूको सक्रियता पनि मानिसहरूले हत्याको कारण हुनसक्ने बताए।

यद्यपि पुलिसले मृत्युको सही कारणलाई लिएर केही पनि स्पष्ट पारेको छैन। आरोपीलाई पुलिस रिमाण्डमा लिएर जाँचबुझ गरिँदैछ। अधिकारीहरूको भनाइ छ, शनिवार हुने पोस्टमर्टमको प्रारम्भिक रिपोर्ट आएपछि नै स्थिति स्पष्ट हुनेछ।

हिन्दुस्थान समाचार / उष्णता छेत्री शर्मा