कोलकाता, 30 अगस्त (हि.स.)। पश्चिम बंगाल स्कूल सर्भिस आयोग (डब्ल्यूबीएसएससी)-ले सात वर्षको लामो प्रतीक्षा पश्चात अशिक्षण कर्मचारीहरूको पदमा व्यापक मात्रामा भर्ती प्रक्रिया शुरू गर्ने घोषणा गरेको छ। आयोगद्वारा गए शुक्रवार जारी अधिसूचनामा बताइएको छ, यस वर्ष मोठ 8477 पदहरूमा नियुक्ति गरिनेछ जसमा 2989 पद ग्रुप ‘सी’ अन्तर्गत लाइब्रेरियन र क्लर्कको लागि हो भने 5488 पदलाई ग्रुप ‘डी’ कर्मचारीहरूको लागि आरक्षित गरिएको छ। यो भर्ती प्रक्रिया सरकारी औ सरकारी प्रायोजित उच्च विद्यालय तथा उच्चतर माध्यमिक विद्यालयहरूमा अशिक्षण कर्मचारीहरूको अभावलाई पूरा गर्नको लागि गरिँदैछ।

आयोगले स्पष्ट पारेको छ, विस्तृत अधिसूचना 31 अगस्त, 2025-मा जारी गरिनेछ। त्यसपछि आवेदन प्रक्रिया आगामी 16 सेप्टेम्बरदेखि शुरू हुनेछ जुन आगामी 31 अक्टोबर, 2025- सम्म चल्नेछ। उम्मेद्वारहरूले अनलाइन मार्फत आवेदन गर्नुपर्नेछ। पात्रता मानदण्ड अनुसार लाइब्रेरियन पदको लागि कला, विज्ञान वा वाणिज्यमा स्नातक डिग्री अनिवार्य छ भने क्लर्कको लागि माध्यमिक वा यसको समकक्ष परीक्षा उतीर्ण हुन आवश्यक छ। यसरी नै, ग्रुप ‘डी’ पदमा आवेदन गर्नको लागि कुनै मान्यता प्राप्त विद्यालयबाट कक्षा आठौं उतीर्ण हुन आवश्यक छ सबै श्रेणीहरूको लागि अधिकतम आयु 40 वर्ष निर्धारण गरिएको छ।

भर्ती प्रक्रियामा लिखित परीक्षा औ साक्षात्कार सामेल हुनेछ। ग्रुप ‘सी’ परीक्षामा 60 वटा प्रश्न सोधिनेछ जसमा सामान्य ज्ञान, सामयिकी, सामान्य अंग्रेज़ी औ अंकगणित विषय हुनेछन् भने ग्रुप ‘डी’ परीक्षामा 45 वटा प्रश्न सोधिनेछ जसमा सामान्य ज्ञान, सामयिकी औ अंकगणित सामेल छन्। परीक्षाको अवधि एक घण्टाको हुनेछ। सफल उम्मेद्वारहरूलाई ग्रुप ‘सी’ पदमा 22 हजार 700 सय 26 हजार रुपियाँ औ ग्रुप ‘डी’ पदमा 20 हजार 050 रुपियाँ मासिक वेतन दिइनेछ।

राज्यमा यो भर्ती लामो अन्तरालपछि आयोजना गरिँदैछ। त्यसैले लाखौं अभ्यर्थीहरूले यस अवसरको प्रतीक्षा गरिरहेका छन् साथै आयोगको घोषणापछि उनीहरू उत्साहित भएका छन्।

हिन्दुस्थान समाचार / उष्णता छेत्री शर्मा