नयाँ दिल्ली, 30 अगस्त (हि.स.)। दिल्लीकी मुख्यमन्त्री रेखा गुप्ताले भनिन्, राजधानीका सबै एघार वटा जिल्लाहरूमा मिनी सचिवालय स्थापना गरिँदैछ जहाँ अदिकारीहरूलाई आवश्यक संसाधन, अधिकार एवं स्टाफ उपलब्ध गराइनेछ। शनिवार अलिपुर डीएम कार्यालयमा डिस्ट्रिक्ट कमिटी चेयरम्यान कार्यालयको शुभारम्भको अवसरमा मुख्यमन्त्री गुप्ताले उक्त आशयको जानकारी गराइन्।
मुख्यमन्त्रीले भनिन्, सुशासन, पारदर्शिता एवं उत्तरदायित्वले यी प्रकल्पहरूलाई नै मूर्त रूप दिँदै उत्तर जिल्लाका डीएम कार्यालयलाई पूर्ण रूपले रेनोभेट गरेर जनताको सेवाको सशक्त केन्द्र बनाइएको छ। उनले भनिन्, अब स्थानीय मानिसहरूले आफ्नो समस्या सोझै डीएम कार्यालयमा दर्ता गराएर तत्काल समाधान पाउन सक्नेछन्। यही नै हो जवाफदेही शासनको नयाँ स्वरूप।
यस अवसरमा सांसद योगेन्द्र चन्दोलिया, क्याबिनेट मन्त्री रविन्द्र इन्द्राजराज, दिल्ली विधानसभाका उपाध्यक्ष मोहन सिंह बिष्ट उपस्थित थिए। सो जानकारी मुख्यमन्त्रीले आफ्नो एक्स अकाउण्टमा साझा गरेकी छन्।
हिन्दुस्थान समाचार / उष्णता छेत्री शर्मा
30 Aug 2025
