गुवाहाटी, 30 अगस्त (हि.स.)। महान सन्त श्रीमन्त शंकरदेवको मार्गदर्शनमा तयार गरिएको 16औं शताब्दिको प्रसिद्ध ‘वृन्दावनी वस्त्र’-लाई आगामी वर्ष 2027- मा 18 महिनाको लागि असममा ल्याइनेछ। सो जानकारी शनिवार असमका मुख्यमन्त्री डा. हिमन्त बिस्व सरमाले राजधानी दिसपुरस्थित लोकसेवा भवनमा आयोजित एक पत्रकार सम्मेलनमा दिएका हुन्।

वर्तमानमा यो अद्वितीय धरोहर यूरोपका तीन वटा संग्रहालयहरू जसमा ब्रिटिश म्यूजियम पनि सामेल छ,-मा संरक्षित छ। मुख्यमन्त्रीले भने, “वस्त्रलाई असम ल्याने प्रयास लगातार जारी छ, तर ब्रिटिश सरकारद्वारा केही शर्तहरू लगाइएको कारणले प्रक्रिया चुनौतीपूर्ण भएको छ।”

उनले बताए, हाल मानिसहरूले यसलाई धरोहरको डिजीटल झलक कलाक्षेत्रमा देख्न सक्नेछन्। मुख्यमन्त्रीले यो पनि घोषणा गरे, राज्य सरकारले यस प्रकारको विरासतलाई प्रदर्शित गर्नको लागि एक अत्याधुनिक संग्रहालय निर्माण गर्नेछ। रेशम विभागद्वारा भूमि उपलब्ध गराइनेछ भने यसको विकास जेएसडब्ल्यू समूहद्वारा गरिनेछ।

‘वृन्दावनी वस्त्र’ पारम्परिक लुम्पस तकनिकद्वारा बुनिएको थियो र यसमा भगवान श्रीकृष्णको जीवनका विभिन्न प्रसंगहरूलाई चित्रण गरिएको छ। मूल रूपमा 15 खण्डमा तयार यस वस्त्रलाई पछि जोड़ेर एक सम्पूर्ण कृति बनाइयो। यो वस्त्र असमदेखि तिब्बत, त्यसपछि लण्डनसम्मको यात्रा गरी आज ब्रिटिश म्यूजियममा संरक्षित छ।

हिन्दुस्थान समाचार / उष्णता छेत्री शर्मा