नयाँ दिल्ली, 30 अगस्त (हि.स.)। आम आदमी पार्टी (आआपा)- का राष्ट्रिय संयोजक अरविन्द केजरीवालले कालकाजी मन्दिरभित्र गए शुक्रवार राति सेवादारको हत्या भएपछि दिल्लीको कानून व्यवस्थालाई लिएर सरकारलाई घेरे। उनले शनिवार भने, घटनालाई परिणाम दिनपूर्व यी उपद्रवीहरूको हात कामेन? यो कानून व्यवस्थाको विफलता नभएर के हो त?

केजरीवालले एक्स पोस्टमा भने, भारतीय जनता पार्टी (भाजपा)-का चारवटा इञ्जिनले दिल्लीको यो अवस्था बनाइदिएको छ कि अब मन्दिरहरूमा पनि यस्तो घटना भइरहेको छ। के दिल्लीमा कोही सुरक्षित छ कि छैन?

आआपाका दिल्ली प्रदेश संयोजक सौरभ भारद्वाजले एक्स पोस्टमा भने, दिल्लीको अवस्था झन् खस्किँदै गइरहेको छ। पुलिस राजनीतिक कामहरूमा मात्र व्यस्त छ। पुलिसले सिधा-सोझा जनतालाई मात्र धम्काइरहेको छ। हामीले पुलिस आयुक्तसित भेट गर्ने समय मागिरहेका छौं।

किराड़ीबाट आआपा विधायक अनिल झाले आज पार्टी कार्यालयमा आयोजित सम्वाददाता सम्मेलनमा भने, पुलिसको असफलताको कारणले कालकाजी मन्दिरका सेवादारको हत्या भएको हो र यो आस्थामाथि हमला हो। दिल्लीमा अपराधीहरूको मनोबल बढ़्दै गइरहेको छ, यहाँ अपराधीहरूको मनमा कानूनको डर नै छैन।

हिन्दुस्थान समाचार / उष्णता छेत्री शर्मा