कोलकाता, 30 अगस्त (हि.स.)। तृणमूल कांग्रेस (टीएमसी) का नेता यूसुफ पठान र ललितेश त्रिपाठीले एक सेप्टेम्बरमा बिहारमा आयोजित ‘भोटर अधिकार यात्रा’ को समापन चरणमा पार्टीको प्रतिनिधित्व गर्नेछन्। कांग्रेस नेता राहुल गान्धीद्वारा 17 अगस्तमा बिहारमा यो यात्रा शुरू गरिएको छ। यस यात्राको समापन पटनामा सोमवार एउटा ठूलो जुलूसको साथ हुनेछ।

टीएमसी सूत्रहरू अनुसार, एक सेप्टेम्बरमा हुने यस ऱ्यालीमा यूसुफ पठान र ललितेश त्रिपाठी तृणमूल कांग्रेसको तर्फबाट सामेल हुने पार्टीले निर्णय लिएको छ।

कांग्रेस र टीएमसी दुवै राष्ट्रिय स्तरमा विपक्षी गठबन्धन ‘इन्डी’ को घटक दल हुन्। शुक्रवार बिहारको सिवानमा आयोजित एक सभालाई सम्बोधित गर्दै राहुल गान्धीले आरोप लगाएका थिए कि केन्द्रको मोदी सरकार चुनाउ आयोगको मद्दतले भोट चोरी मामिलामा समातिएको छ र यसैले गर्दा भाजपा नेताहरूमा व्याकुलता बढ़ेको छ।

विपक्षी दलहरूको आरोप छ, मतदाता सूचीको प्रारूपले 65 लाख नाम हटाइनु मानिसहरूको मताधिकारमाथि सोझो प्रहार हो। सुप्रीम कोर्टको आदेशपछि चुनाउ आयोगले यी हटाइएका नामहरूको सूची 19 अगस्तसम्म प्रकाशित गरेको थियो र 22 अगस्तसम्म अनुपालन रिपोर्ट पनि दर्ता गरेको थियो।

हिन्दुस्थान समाचार / भवानी थामी