रामबन, 30 अगस्त (हि.स.)। जम्मू-कश्मीरको रामबन जिल्लाको राजगढ़ तहसीलमा बादल फाटेको छ। यसमा चार जनाको मृत्यु भएको छ भने एक व्यक्ति बेपत्ता छ।

एक पुलिस अधिकारीले बताए, बचाउ दलले प्रभावित क्षेत्रबाट चार शव आफ्नो कब्जामा लिएको छ र बेपत्ता व्यक्तिलाई खोज्ने प्रयास जारी छ। बादल फाट्दा अचानक बाढ़ी आयो, जसले भारी नोकसान पुऱ्याएको छ र क्षेत्रमा सामान्य जनजीवन प्रभावित भएको छ। एक व्यक्ति अहिलेपनि बेपत्ता छ।

यसबीच केन्द्रिय मन्त्री डा. जितेन्द्र सिंहले एक्समा एक पोस्टमा भनेका छन्, उनले रामबनका उपायुक्त मोहम्मद अयाज खानसित घटनाको सम्बन्धमा कुरा गरेका छन्। राजगढ़ क्षेत्रम बादल फाट्दा चार जनाको दुर्भाग्यपूर्ण मृत्यु भयो। एक व्यक्ति अहिलेपनि बेपत्ता छ र खोजी अभियान जारी छ। सौभाग्यले कोही घाइते भएको सूचना छैन। बचाउ कार्य जारी छ। र हर सम्भव सहायता प्रदान गरिँदैछ। म लगातार जिल्ला प्रशासनको सम्पर्कमा छु।

मुख्यमन्त्री उमर अब्दुल्लाले पनि घटनामा शोक व्यक्त गरे। उनको कार्यालयले एक्समा एक पोस्टमा भनेको छ, मुख्यमन्त्रीले रामबनको राजगढ़मा पैह्रोले भएको ज्यानमालको हानिमा गहिरो शोक व्यक्त गरेका छन्। उनले प्रशासनलाई तत्काल बचाउ र राहत अभियान चलाउने निर्देश दिएका छन्।

हिन्दुस्थान समाचार / भवानी थामी