नयाँ दिल्ली, 04 अगस्त (हि.स.)। लन्दनको ओवल मैदानमा भारत र इङ्गल्याण्डबीच चलिरहेको पाँचौं र अन्तिम टेस्ट म्याचको चौथो दिन इङ्गल्याण्डका पूर्व कप्तान जो रूटले आफ्नो टेस्ट करियरको 39औं शतक जड़े। उनले यो शतक 137 बलमा पूरा गरे औं यसका साथै टेस्ट क्रिकेटमा सबैभन्दा अधिक शतक लगाउने बल्लेबाजहरूको सूचीमा श्रीलंकाका महान बल्लेबाज कुमार संगकारा (38 शतक) लाई पछि छोड्दै चौथो स्थानमा पुगेका छन्।

अब रूट अगाड़ी केवल तीन दिग्गज बल्लेबाज छन् — भारतका सचिन तेन्दुलकर (51 शतक), दक्षिण अफ्रीकाका जाक कैलिस (45 शतक) र अस्ट्रेलियाका रिकी पोन्टिङ (41 शतक)।

रूटले आइतवार आफ्नो पारीमा अझ् एक ठूलो उपलब्धी हासिल गरे। उनी वर्ल्ड टेस्ट चैयाम्पियनशिप (WTC) इतिहासमा 6,000 रन पूरा गर्ने पहिलो बल्लेबाज बनेका छन्।

उनको नाम अब टेस्ट क्रिकेटमा 13,500 भन्दा अधिक रन दर्ता छ र उनी टेस्ट इतिहासमा सर्वाधिक रन बनाउने बल्लेबाजहरूको सूचीमा दोस्रो स्थानमा छन्। उनी अब सचिन तेन्दुलकरको 15,921 रनको रेकर्डलाई पछि छोड्ने दिशामा तीव्र गतिमा बढ़िरहेका छन्।

टेस्ट क्रिकेटमा सबैभन्दा अधिक शतक जड्ने बल्लेबाज (अहिलेसम्म):

1. सचिन तेन्दुलकर – 51 शतक (329 पारी)

2. जाक कैलिस – 45 शतक (280 पारी)

3. रिकी पोन्टिङ – 41 शतक (287 पारी)

4. जो रूट – 39 शतक (288 पारी)

5. कुमार संगकारा – 38 शतक (233 पारी)

हिन्दुस्थान समाचार / भवानी थामी