सना, 05 अगस्त (हि.स.)। यमनको तटमा आइतवार पल्टेको डुंगामा सवार 154 प्रवासीमध्ये केवल 12 जनालाई बचाउन सकिएको छ। बाकी 142 यात्रीको मृत्यु भयो। यी सबै इथियोपियाबाट आएका थिए। यमनमा संयुक्त राष्ट्र अन्तरराष्ट्रिय प्रवासन संगठनका प्रमुख अब्दुसत्तोर एसोवले यसको जानकारी दिए।

फ्रान्सको ल्योनबाट संचालित 'अफ्रीकान्यूज' समाचार च्यानलको खबर अनुसार, एसोवले बताए, अदनको खाड़ीमा भएको यस त्रासदीमा केवल 12 जनालाई बचाउन सकियो जबकि बाकी 142 यात्रीलाई मृत मानिएको छ। अहिलेसम्म 68 भन्दा अधिक शव फेला परेको छ। यसमध्ये अधिकतर पश्चिमी यमनको खानफा तटमा पाइए।

अबयान सुरक्षा निदेशालयले बयानमा त्रासदीलाई मध्यनजर राखेर वृह्द खोज र बचाउ अभियान चलाएको बतायो। संयुक्त प्रवासन केन्द्रको रिपोर्ट अनुसार, हरेक साल हजारौं प्रवासीहरू (यसमा अधिकतर इथियोपियाई हुन्छन्) अफ्रीकाको होर्नदेखि लाल सागर नाघेर यमन हुँदै अमीर खाड़ी देशहरूमा कामको खोजमा जान्छन्। सर्वाधिक यात्रा गरिने यस मार्गलाई सबैभन्दा खतरनाक मानिन्छ।

यही साल मार्चमा जिबूती र यमनबीच समुद्रमा चार डुंगा पल्टिँदा 186 अफ्रीकी बेपत्ता भएका थिए। यस दृष्टिले 2024 दुःखदायी रह्यो। यस साल 550 प्रवासीहरूको मृत्यु भएको थियो। संयुक्त प्रवासन केन्द्रले भन्यो, यमनमा चलिरहेको गृहयुद्धले प्रवासीहरूका लागि सुरक्षा सम्बन्धी चिन्ताहरूलाई अझ् बढ़ाएको छ।

हिन्दुस्थान समाचार / भवानी थामी