देहरादून, 06 अगस्त (हि.स.)। प्रधानमन्त्री नरेन्द्र मोदीले बुधवार उत्तराखण्डका मुख्यमन्त्री पुष्कर सिंह धामीसित दूरभाषमा बातचित गरी उत्तरकाशी जिल्लाको धराली क्षेत्रमा हालमा भएको प्राकृतिक आपदा र राहत एवं बचाउ कार्यहरूको जानकारी लिए। प्रधानमन्त्रीले केन्द्र सरकारको तर्फबाट हरसम्भव सहायताको आश्वासन दिएका छन्।
मुख्यमन्त्रीले प्रधानमन्त्रीलाई बताए, राज्य सरकार राहत र बचाउ कार्यहरूमा पूर्ण तत्परताको साथ जुटेको छ। लगातार पानी परिरहेको कारण केही क्षेत्रहरूमा समस्या आइऱहेको छ तर सबै सम्बन्धित एजेन्सीहरूले समन्वयको साथ कार्य गरिरहेका छन्।
उल्लेख्य, उत्तराखण्डको उत्तरकाशी जिल्लामा मंगलवार दिउँसो धराली गाउँमा बादल फाट्दा भारी क्षति भएको छ। खीरगंगा नदीमा बाढ़ी आयो। यस आपदामा अहिलेसम्म 4 जनाको मृत्यु भएको छ भने धेरै जना बेपत्ता बताइएका छन्। बुधवार बिहानैदेखि घटनास्थलमा राहत र बचाउ कार्य जारी छ। सेना, एनडीआरएफ, एसडीआरएफ सहित अन्य एजेन्सीहरू युद्धस्तरमा राहत कार्यहरूमा जुटेका छन्।
हिन्दुस्थान समाचार / भवानी थामी
06 Aug 2025
