नयॉं दिल्ली, 11 सेप्टेम्बर (हि.स.)। सोफिया गार्डन्समा अभ्यासको क्रममा घाइते भएका दक्षिण अफ्रीकी तीव्र गतिका बलर लुङ्गी एनगिडी इङ्गल्याण्ड विरुद्ध टी20 अन्तरराष्ट्रिय सीरीजबाट बाहिरिएका छन्। क्रिकेट साउथ अफ्रीकाले बुधवार यसको पुष्टि गरेको छ।

मंगलवार प्रशिक्षण सत्र अवधि एनगिडीको ह्यामस्ट्रिङमा चोट लागेको थियो। स्क्यानपछि उनको चोटको पुष्टि भयो, जस कारण उनलाई सीरीजबाट बाहिर बस्न लगाइयो। एनगिडी आज स्वदेश फर्किनेछन्।

उनको सट्टामा नान्द्रे बर्गरलाई टीममा सामेल गरिएको छ। बर्गर हालैमा खेलिएको वानडे सीरीजमा ​टीमको हिस्सा थिए। उक्त म्याच दक्षिण अफ्रीकाले 2-1 ले जितेको थियो। यद्यपि, बर्गर टी20 टीमबाट म्यानचेस्टरमा हुने दोस्रो स्पर्धाबाट जोडिने छन्।

इङ्गल्याण्ड र दक्षिण अफ्रीकाबीच तीन म्याचको यो टी20 सीरीजमा अफ्रीकी टीम 1-0 ले अगाडि छ। दक्षिण अफ्रीकाले पहिलो टी20 मा इङ्गल्याण्डलाई 14 रनले हराएको थियो। दुई टीमबीच दोस्रो म्याच 12 सेप्टेम्बरमा खेलिनेछ। अन्तिम म्याच आइतवार ट्रेन्ट ब्रिजमा खेलिनेछ।

हिन्दुस्थान समाचार / भवानी थामी