केन्द्रिय कृषि एवं कृषक कल्याण राज्यमन्त्री भगीरथ चौधरी सिक्किम भ्रमणमा
नाम्ची, 23 सेप्टेम्बर (हि.स.)। केन्द्रिय कृषि एवं कृषक कल्याण राज्यमन्त्री भगीरथ चौधरी मंगलवार सिक्किम आइपुगे। केन्द्रिय राज्यमन्त्रीलाई मल्ली चेकपोस्टमा जोरथाङका एसडीएम योगेन स्याङ्गदेन र एएसपी बिकास तिवारीले स्वागत जनाए।
केन्द्रिय राज्यमन्त्री पूर्वोत्तर सम्पर्क सेतु कार्यक्रम सिक्किम अन्तर्गत तीन दिवसीय (23-25 सेप्टेम्बर) आधिकारिक भ्रमणमा आएका हुन्। यस कार्यक्रमको उद्देश्य पूर्वोत्तर क्षेत्रमा कृषि सम्बन्ध र विकास पहलहरूलाई प्रवर्द्धन गर्नु रहेको बताइएको छ।
केन्द्रिय राज्यमन्त्री दक्षिण सिक्किमको बर्मेकमा केन्द्रिय कृषि विश्वविद्यालयको नवनिर्मित भवनको उद्घाटन कार्यक्रममा सहभागी बन्नेछन्। उनले आईसीएआर-एटीएआरआई, जोन 6 को वार्षिक जोनल कार्यशाला 2025 को उद्घाटन पनि गर्नेछन्।
हिन्दुस्थान समाचार / बिशाल
सम्बन्धित समाचार
23 Sep 2025
