मङ्गन, 23 सेप्टेम्बर (हि.स.)। सहकारी विभाग, मङ्गनले सोमवार सहकारी संस्थाहरूको भूमिका, कार्य, बहीखाता, ऋण सम्बन्धन, र सिक्किम सेवा नियम र प्रशासनिक कार्य सम्बन्धी एक दिवसीय प्रशिक्षण र पुनरावृत्ति कार्यक्रम सफलतापूर्वक आयोजना गर्यो। जिल्ला प्रशासनिक केन्द्रको सम्मेलन हलमा आयोजित कार्यक्रममा सहकारी निरीक्षकहरू, सहायक सहकारी निरीक्षकहरू र परियोजना सहायकहरू सहभागी थिए।
अन्तरराष्ट्रिय सहकारी वर्ष र राज्य स्थापनाको 50औं वर्षगॉंठको एक भागको रूपमा आयोजित उक्त कार्यक्रममा सहकारी निरीक्षक पाल्देन भोटियाले स्वागत सम्बोधनको क्रममा सहकारीमाथि प्रकाश पारिन्। यसपछि, लेखा अधिकारी प्रवेश भुजेलले बहीखाताका आवश्यक कुराहरू, एआरसीएस रीक्पा हिस्सेले सहकारी कामकाज र प्रशासन, एआरसीएस पेमा वाङ्चुकले सरकारी योजना, डीआरसीएस अतिश राईले कानुनी रुपरेखा र सिस्को ब्याङ्कका प्रबन्धक, मङ्गन उज्जवल शर्माले ब्याङ्कको भूमिकामाथि प्रकाश पारेका थिए।
कार्यक्रमलाई संयुक्त रेजिस्ट्रार रतनहाङ सुब्बाले पनि सम्बोधन गरेका थिए।
हिन्दुस्थान समाचार / बिशाल
