इन्दौर, 23 सेप्टेम्बर (हि.स.)। मध्य प्रदेशको इन्दौर शहरमा जवाहर मार्ग स्थित झण्डा चौक निकट दौलतगंजमा सोमवार राति लगभग सवा नौ बजी एक तीन तले बिल्डिङ ढल्यो। यस दुर्घटनामा एक युवती समेत दुई जनाको ज्यान गयो जबकि 12 जना घाइते भए, जसलाई शहरको एमवाय अस्पतालमा भर्ती गराइएको छ।

कलेक्टर शिवम वर्माले यसको जानकारी दिएका छन्। घाइतेहरूमा चार जनाको अवस्था अहिलेपनि गम्भीर बनेको छ।

जानकारी अनुसार, उक्त तीन तले बिल्डिङ कुनै सम्मू बाबाको थियो र लगभग 10-15 साल पुरानो हो। यसमा चार परिवार बस्थे। वर्षाको कारण बिल्डिङ चर्किएको थियो। बिल्डिङको भूईतलामा पानी भरेको हुन्थ्यो, यसैले गर्दा सोमवार राति यो ढल्यो। दुर्घटना राति लगभग 9.10 बजी भयो। सूचना पाउनसाथ नगर निगमको रिमूवल टीम र पुलिस प्रशासनको टीम घटनास्थलमा पुग्यो र राहत एवं बचाउ कार्य शुरू गऱ्यो। दुई जेसीबीको मद्दतले रातभरि अवशेष हटाउने कार्य जारी रह्यो।

दुर्घटनाको सूचना पाउनसाथ कलेक्टर शिवम वर्मा र पुलिस कमिश्नर सन्तोष कुमार सिंह समेत पुलिस र प्रशासनका धेरै अधिकारी घटनास्थलमा पुगे औं रातभरि घटनास्थलमा रहे। नगर निगमका अधिकारीहरूका साथै महापौर पुष्यमित्र भार्गव और भाजपा ‌विधायक गोलू शुक्ला समेत धेरै जनप्रतिनिधि पनि घटनास्थलमा पुगेका थिए।

इन्दौर कलेक्टर शिवम वर्माले बताए, दुर्घटनामा बिल्डिङमा बस्ने 14 जना अवशेषमा दबिएका थिए। यसमध्ये दुई जनाको मृत्यु भएको छ। मृतकहरूको पहिचान 20 वर्षीय अल्फिया पुत्री रफीउद्दीन र फहीमको रूपमा गरिएको छ। अल्फियालाई राति लगभग डेढ़ बजी जबकि फहीमको शव मंगलवार बिहान लगभग 4 बजी निकालियो। घाइते 12 जनालाई एमवाय अस्पतालमा भर्ती गराइएको छ।

घाइतेहरूमा अल्ताफ (28) पुत्र रफीउद्दीन, रफीउद्दीन (60) पुत्र मोहम्मद उमर. यासीरा (3 महिना) पुत्री जिया, नबी अहमद (7), सबीस्ता अंसारी (28) पत्नी मोहम्मद अल्ताफ, सैबुद्दीन (62) पुत्र मोहम्मद, सलमा बी (45) पत्नी रफीउद्दीन, आलिया अंसारी (23) पत्नी मो. जिया उल हक, शाहिदा अंसारी (55) पत्नी शमीउद्दीन, अमीनुद्दीन (40) पिता शमीउद्दीन, आफरीन (32) पत्नी फहीमुद्दीन र एक अन्य सामेल छन्।

हिन्दुस्थान समाचार / भवानी थामी