नयॉं दिल्ली, 25 सेप्टेम्बर (हि.स.)। महाराष्ट्रको मराठवाड़ा क्षेत्रमा विगत चार दिनदेखि भइरहेको भारी वर्षाका कारण आठ जनाको मृत्यु र सयौं घर क्षतिग्रस्त भएकोमा लोकसभामा नेता प्रतिपक्ष राहुल गॉंधीले शोक व्यक्त गरेका छन्।

राहुल गॉंधीले एक्समा लेखे, मराठवाड़ामा भारी वर्षाका कारण जनहानि र व्यापक स्तरमा फसलहरूलाई क्षति पुऱ्याएको खबर दुखद छ। यस कठिन समयमा सबै प्रभावित परिवारहरूसँग मेरो समवेदना छ। उनले सरकार र प्रशासनसॅंग राहत कार्यहरूलाई तीव्रता ल्याउन र फसलहरूको क्षतिको आकलन गरेर किसानहरूलाई पूर्ण मद्दत गर्न अपील गरेका छन्। साथै, कांग्रेस नेता र कार्यकर्ताहरूलाई प्रशासनलाई सहयोग गर्न र आवश्यकतामा परेकाहरूलाई हरसम्भव मद्दत गर्न आग्रह गरेका छन्।

मराठवाड़ा क्षेत्रको लातूरमा तीन, बीडमा दुई र छत्रपति सम्भाजीनगर, नान्देड़ र धाराशिवमा एक-एक व्यक्तिको मृत्यु भएको छ। 20 सेप्टेम्बरदेखि लगातार रूपमा भइरहेको वर्षाका कारण बाढको स्थिति उत्पन्न भएको छ। धाराशिव जिल्लामा 750 भन्दा धेरै घरहरू क्षतिग्रस्त भएका छन् र 33 हजार हेक्टरभन्दा धेरै भूमिमा फसलहरू नष्ट भएका छन्।

हिन्दुस्थान समाचार / भवानी थामी