सिलगढ़ी, 03 सेप्टेम्बर (हि.स.)। सशस्त्र सीमा बल (एसएसबी) ले तीन बांग्लादेशी नागरिकहरूलाई भारतमा अवैध रूपमा बसेको आरोपमा पक्राउ गरेको छ। पक्रा परेका बांग्लादेशी नागरिकहरूको नाम अमल चन्द्र रोय र उनका दुई छोरा गौतम रोय तथा पंकज रोय हो।

सूत्रहरू अनुसार, 41औं बटालियनको कदोमनी क्याम्पका एसएसबी जवानहरूले मंगलवार गुप्त सूचनाको आधारमा खोरीबाड़ीको मयनागुड़ी गाउँमा अभियान चलाएर अमल चन्द्र रोयलाई पक्राउ गऱ्यो। जब उसको दस्तावेजहरूको तलाशी लिइयो तब भारतीय दस्तावेजमा अमल बर्मन लेखिएको थियो। अमलका दुई छोरा गौतम रोय र पंकज रोयलाई पनि पक्राउ गरियो। एसएसबीले उनीहरूदेखि केही अवैध दस्तावेज पनि जफत गऱ्यो।

सोधपुछमा एसएसबीलाई थाहा लाग्यो कि प्रीतम उर्फ पंकज अप्रेल 2024 मा भीसा लिएर आएका थिए तर भीसा समाप्त भएपछि पनि फर्केनन्। गौतमले गत साल दिसम्बरमा दलाल बनेर मेखलीगंज सीमाबाट भारतमा घुसपैठ गरेको थियो। पछि एसएसबीले अवैध घुसपैठ र भीजा समाप्त भएपनि भारतमा बसेको आरोपमा तीनै बांग्लादेशीहरूलाई हिरासतमा लिएऱ खोरीबाड़ी थाना पुलिसलाई सुम्प्यो। खोरीबाड़ी थाना पुलिस अग्रिम कारबाहीमा जुटेको छ।

हिन्दुस्थान समाचार / भवानी थामी