अयोध्या, 07 सेप्टेम्बर (हि.स.)। उत्तर प्रदेशको रामनगरी अयोध्यामा चन्द्र ग्रहणको कारण प्रभु श्रीराम जन्मभूमि मन्दिर, हनुमानगढ़ी समेत सबै मठ-मन्दिरको कपाट आइतवार दिउँसो आरती गरेपछि बन्द गरिएको छ। चन्द्र ग्रहणपछि सोमवार प्रातः काल पुनः मन्दिरको कपाट खोलिनेछ र आरती, पूजापछि भक्तहरूको दर्शन क्रम शुरू हुनेछ। यो जानकारी श्रीरामजन्म भूमि ट्रस्टले दिएको हो।

आज आइतवार यस सालको अन्तिम पूर्ण चन्द्र ग्रहण लाग्न गइऱहेको छ। यो ग्रहण भारत सहित विश्वका धेरै देशहरूमा देखिनेछ। ज्योतिष र खगोल विज्ञान दुवै दृष्टिकोणले यो खास मानिन्दैछ। पंचांग अनुसार, चन्द्र ग्रहण राति 9 बजेर 58 मिनटमा शुरू हुनेछ। यसको मध्य काल राति 11 बजेर 41 मिनटमा रहनेछ र समाप्ति राति 1 बजेर 27 मिनटमा हुनेछ। यस प्रकार यो लगभग कूल 3 घण्टा 28 मिनटसम्म चल्नेछ। सूतककाल दिउँसो 12 बजेर 58 मिनटदेखि शुरू भएको छ। यस अवधि कुनै प्रकारको पनि शुभ कार्य, यात्रा, धार्मिक आयोजन वा भोजन बनाउनु वर्जित मानिन्छ। सूतक कालमा सबै मन्दिरहरूको कपाट पनि बन्द हुन्छ।

हिन्दुस्थान समाचार / भवानी थामी