नयाँ दिल्ली, 13 जनवरी (हि.स.)। उपराष्ट्रपति सीपी राधाकृष्णनले मंगलवार दिल्ली विश्वविद्यालयमा ‘नशा-मुक्त परिसर अभियान’ को शुभारम्भ गर्दै देशभरि नशा-मुक्त परिसरको आवश्यकतामा जोड दिए। उनले स्वस्थ, नशा-मुक्त र उद्देश्यपूर्ण युवाहरू नै विकसित र आत्मनिर्भर भारत निर्माणको बलियो जग भएको बताए।

आफ्नो सम्बोधनमा उपराष्ट्रपतिले विश्वविद्यालयहरू केवल पढ़ाईका केन्द्रहरू मात्र नभएर मूल्य निर्माण, नेतृत्व विकास र राष्ट्रको भविष्यलाई आकार दिने संस्थाहरू भएको बताए। उनले लागूऔषधको लत केवल व्यक्तिगत समस्या नभएको तर गम्भीर सामाजिक चुनौती, जनस्वास्थ्य संकट र राष्ट्रिय सुरक्षाको लागि खतरा, जसको सम्बन्ध नार्को-आतंकवादसँग जोड़िएको कुरामा सचेत गराए।

उनले युवाहरूलाई लागूऔषधबाट टाढ़ा रहन र चरित्र, अनुशासन र उद्देश्यपूर्ण जीवन अँगाल्न आग्रह गरे। उनले भने, लागूऔषधमुक्त युवाहरूले मात्र विकसित र आत्मनिर्भर भारतको सपना साकार पार्न सक्छन्। विश्वविद्यालयहरू केवल शैक्षिक संस्थाहरू मात्र होइनन् तर ती केन्द्रहरू हुन् जहाँ मूल्यहरू निर्माण हुन्छ, नेतृत्वले आकार पाउँछ र राष्ट्रको भविष्य निर्धारण हुन्छ। उनले भने, जब दिल्ली विश्वविद्यालय जस्ता प्रतिष्ठित संस्थाहरूले लागूपदार्थ दुरुपयोग विरुद्ध दृढ़ अडान लिन्छन्, यसले सम्पूर्ण समाजलाई शक्तिशाली सन्देश पठाउँछ।

यस अवसरमा उपराष्ट्रपतिले ‘नशामुक्त परिसर अभियान’ अन्तर्गत एक समर्पित ई-प्रतिज्ञा मंच र मोबाइल एप पनि शुरु गरे। उनले देशभरिका विश्वविद्यालयका विद्यार्थीहरूलाई सक्रिय रूपमा भाग लिन र लागूपदार्थमुक्त क्याम्पसको लागि प्रतिज्ञा लिन आग्रह गरे। उनले केन्द्रिय शिक्षा मन्त्री धर्मेन्द्र प्रधानलाई यो अभियानलाई सबै केन्द्रिय उच्च शैक्षिक संस्थाहरूको अभिन्न अंग बनाउन पनि अपील गरे।

उनले भने, स्वस्थ, लागूपदार्थमुक्त र लक्ष्यमुखी युवाहरूले मात्र सीप प्राप्ति, उद्यमशीलता र आर्थिक विकासमा सार्थक योगदान दिन सक्छन्। भारतको प्राचीन परम्पराहरूको उल्लेख गर्दै उनले आत्म-नियन्त्रण, मानसिक सन्तुलन र शुद्ध आचरणको महत्त्वलाई जोड दिए र योग र ध्यानलाई प्रवर्द्धन गर्ने प्रधानमन्त्री नरेन्द्र मोदीको प्रयासको प्रशंसा गरे।

‘माय भारत पोर्टल’ र प्रधानमन्त्री अनुसन्धान योजना जस्ता पहलहरूको उल्लेख गर्दै उपराष्ट्रपतिले भने, यी कार्यक्रमहरूले युवाहरूको ऊर्जालाई अनुसन्धान, नवाचार, स्वैच्छिक सेवा र राष्ट्र निर्माणतर्फ निर्देशित गर्न मद्दत गर्दछ। राष्ट्रिय शिक्षा नीति 2020 ले मानसिक स्वास्थ्य, जीवन सीप र विद्यार्थी कल्याणलाई जोड दिएर यो समग्र दृष्टिकोणलाई पनि प्रतिबिम्बित गर्दछ।

हिन्दुस्थान समाचार / भवानी थामी