नयाँ दिल्ली, 13 जनवरी (हि.स.)। प्रधानमन्त्री नरेन्द्र मोदीले मंगलबार कठोपनिषदको प्रसिद्ध संस्कृत श्लोक उद्धृत गर्दै आत्मजागरण, परिश्रम र लक्ष्यप्रति अडिग रहन प्रेरणादायी सन्देश दिएका छन्।
प्रधानमन्त्रीले सामाजिक सञ्जाल प्लेटफर्म ‘एक्स’ मा उक्त श्लोक साझा गर्दै लेखेका छन्, “उत्तिष्ठत जाग्रत प्राप्य वरान्निबोधत। क्षुरस्य धारा निशिता दुरत्यया दुर्गं पथस्तत्कवयो वदन्ति॥”
यस श्लोकको अर्थ हो, उठ, जाग र श्रेष्ठ लक्ष्य प्राप्त गरी ज्ञान हासिल गर। यो मार्ग सजिलो छैन, यो उस्त्राको धारजस्तै कठिन छ। तर यही कठिन मार्गमा अघि बढ्दा सफलता र आत्मबोध प्राप्त हुन्छ।
प्रधानमन्त्री मोदीले विशेष रूपमा युवालाई सम्बोधन गर्दै चुनौतीसँग नडराउन आग्रह गरे। उनले कठिन परिश्रम, अनुशासन र निरन्तर प्रयासमार्फत आफ्ना सपनाहरू साकार गर्न युवालाई आह्वान गरे।
प्रधानमन्त्रीले राष्ट्र निर्माणमा युवाको भूमिका सबैभन्दा महत्वपूर्ण रहेको उल्लेख गर्दै यस्ता प्रेरणादायी विचारहरूले उनीहरूलाई अघि बढ्ने शक्ति दिने बताए।
हिन्दुस्थान समाचार / भवानी थामी
