फतेहाबाद, 16 जनवरी (हि.स.)। संयुक्त किसान मोर्चाको आह्वानमा अखिल भारतीय किसान सभाका प्रतिनिधिहरूले शुक्रवार जिल्लाको कुलाँ चौकमा भेला भएर केन्द्र सरकारको विरोधमा प्रदर्शन गरे। यो प्रदर्शन हालैमा बिजुली तथा बिउ विधेयक-2025 तथा मनरेका कानूनमा गरिएको बद्लाउको विरोधमा गरिएको हो। यसबाट आक्रोशित किसानहरूले कुलाँ चौकमा नाराबाजी गर्दै उक्त बिलको प्रतिहरू पनि जलाए अनि केन्द्र सरकारसित बिलहरूलाई फिर्ता लिने माग गरे।

अखिल भारतीय किसान सभाका खण्ड सचिव केवल सिंहले भने, केन्द्र अनि राज्य सरकारका नीतिहरूले किसान, मजदुर, दोकानदार तथा आम उपभोक्ताहरूलाई सस्तो दरमा प्राप्त हुने बिजुलीदेखि उनीहरूलाई वञ्चित राख्छ। सरकारको नियत बिजुलीलाई कर्पोरेट घरानालाई सुम्पिनु, स्मार्ट मीटर जड़ान गरेर उपभोक्ताहरूलाई प्रीपेड बीलको माध्यमबाट सताउनु हो। उनले भने, नयाँ विधेयकहरूले बिजुलीको बिलमा पाइने सबै सब्सिडीलाई समाप्त गर्छ अनि बिजुलीलाई आम मानिसहरूको पहुँचदेखि टाड़ा राख्छ। यसरी नै बिउ बिल लागू गरेर कृषि क्षेत्रमा बिल बनाउने कर्पोरेट घरानाको एकाधिकार स्थापित गरेर महँगो तथा प्रतिवर्ष नयाँ बिउ खरिदबाट कृषि क्षेत्रलाई ध्वस्त बनाएर उब्जाउ कृषियोग्य भूमिमा कब्जा गर्नु हो।

यस अवधि अखिल भारतीय किसान सभाका अध्यक्ष अमर सिंह तलवाड़ाले भने, मनरेगा कानूनमा गरिएको बद्लाउबाट यसलाई कमजोर वा समाप्त गर्ने आशंका छ जसबाट ग्रामीण क्षेत्रमा रोजगार एवं आजीविका प्रभवित हुनेछ। यसलाई लिएर किसान सभाद्वारा विरोध प्रदर्शन गर्दै यी विधेयकहरूका प्रतिहरू जलाएर यसलाई फिर्ता लिने माग गरिएको छ।

हिन्दुस्थान समाचार / उष्णता छेत्री शर्मा