मेदिनीपुर, 17 जनवरी (हि.स.)। विधानसभा चुनाउलाई ध्यानमा राख्दै प्रशासनिक स्तरमा परिवर्तनको प्रक्रिया तीव्र भएको छ। यसै क्रममा पूर्वी मेदिनीपुर जिल्ला पुलिसमा गए शुक्रवार व्यापक स्तरमा फेरबदल गरिएको छ। गत नौ जनवरी पश्चात एक सप्ताहको अन्तरालमा यो दोस्रो सूची जारी गरिएको छ। पुलिस सूत्रानुसार यस नवीन आदेशको माध्यमबाट एघार जना उपनिरीक्षकहरूलाई स्थानान्तरण गरी विभिन्न थानाहरूको दायित्व सुम्पिइएको छ।

जिल्ला पुलिस मुख्यालयद्वारा जारी अधिसूचना अनुसार विभिन्न थानको प्रभारी (थानाध्यक्ष) स्तरमा यो परिवर्तन गरिएको छ। यसपूर्व गत 9 जनवरीमा 15 जना अधिकारीहरूलाई स्थानान्तरण गरिएको थियो। पुलिस विभाग मुताविक यो निर्वाचन आयोगको दिशानिर्देश अनुरूप एक 'नियमित प्रक्रिया' हो जसको उद्देश्य चुनाउ अवधि कानून व्यवस्थालाई सुदृढ़ बनाइराख्नु हो।

उल्लेखनीय छ, गत 9 जनवरीमा भएको प्रथम चरमको फेरबदलमा पनि केही अधिकारीहरूको कार्यक्षेत्रमा परिवर्तन गरिएको थियो। अल्प समयमै केही अधिकारीहरूलाई पुनः नयाँ तैनाथी दिइएको छ। उदाहरणस्वरूप सन्तु नस्करलाई पूर्वमा महिषादलमा पठाइएको थियो, तर अब उनलाई रामनगरको दायित्व दिइएको छ। चुनाउपूर्व पुलिस प्रशासनमा भइरहेको तीव्र परिवर्तनलाई अत्यन्त महत्वपूर्ण मानिँदैछ।

हिन्दुस्थान समाचार / उष्णता छेत्री शर्मा