कानपुर, 03 जनवरी (हि.स.)। उत्तर प्रदेशको कानपुरमा सचेण्डी थाना क्षेत्र अन्तर्गत एक अज्ञात युवकको निर्मम हत्या गरी उसको शव नहरको किनारमा फालिएको छ। बटुवाहरूबाट प्राप्त जानकारीको आधारमा पुलिसले शव पोस्टमार्टमको लागि पठाएको छ र अनुसन्धान शुरु गरेको छ।

बिनौर नहर नजिकै मृत भेटिएको युवकको दुवै हात मफलरले बाँधिएको थियो र शरीरमा धेरै चोटपटक लागेको थियो। युवकलाई पहिले बाँधेर निर्ममतापूर्वक कुटपिट गरिएको र पछि शव नहरको किनारमा फालिएको प्रतीत हुन्छ। शनिवार बटुवाहरूले शव देखेपछि पुलिसलाई जानकारी दिए। पुऋलिस घटनास्थलमा पुग्यो र घटनास्थलको निरीक्षण गरी शवलाई पोस्टमार्टमको लागि पठायो।

सचेन्डी थाना प्रभारी विक्रम सिंहले डायल 112 मार्फत जानकारी प्राप्त भएको बताए। मृतकको पहिचानको निम्ति उसको फोटो सामाजिक सञ्जाल र वरपरका थानामा पठाइएको छ। छिट्टै नै मामिलाको खुलासा गरिनेछ।

हिन्दुस्थान समाचार / भवानी थामी