गान्तोक, 03 जनवरी (हि.स.)। मुख्यमन्त्री प्रेमसिंह तामाङले सिक्किम उच्च न्यायालयका नवनियुक्त मुख्य न्यायाधीश न्यायमूर्ति मुहम्मद मुस्ताक आयुमन्तकाथलाई सिक्किममा हार्दिक स्वागत जनाएका छन्।

मुख्यमन्त्रीले आज सामाजिक सञ्जाल फेसबुक पोस्टमा इमानदारी, निष्ठा र संवैधानिक मूल्यमान्यताप्रतिको अटल प्रतिबद्धताले चिनिने उनको उत्कृष्ट करियरले न्यायपालिकालाई अझ बलियो बनाउनेछ र हाम्रो राज्यमा न्यायको सर्वोच्च परम्परालाई कायम राख्नेछ भनी विश्वास व्यक्त गरेका छन्।

मुख्यमन्त्रीले न्यायमूर्ति मुस्ताकको सफल र अर्थपूर्ण कार्यकालको लागि शुभकामना व्यक्त गर्दै उनको सुस्वास्थ्य, शक्ति र सम्मानित जिम्मेवारीहरूको निर्वहनमा सफलताको कामना गरेका छन्।

हिन्दुस्थान समाचार / बिशाल