नयाँ दिल्ली, ११ अक्टोबर (हि.स.)। ककरोच जनता पार्टी (सीजेपी) का प्रमुख अभिजीत दीपके, राष्ट्रिय प्रवक्ता आशुतोष रांका र सौरव दासलाई हिरासतमा लिइएपछि दिल्ली क्यान्ट पुलिस थानामा कार्यकारी मजिस्ट्रेटसमक्ष उपस्थित गराउने प्रक्रिया अघि बढाइएको छ।
सीजेपीका अनुसार, अभिजीत दीपके, आशुतोष रांका र सौरव दास कार्यकारी मजिस्ट्रेटको प्रतीक्षामा छन्। उनीहरूलाई हिरासतमा राखिएको करिब २४ घण्टा भइसकेको पार्टीले जनाएको छ। पार्टीले दिल्ली पुलिससँग उनीहरूलाई तत्काल रिहा गर्न माग गरेको छ।
यसैबीच, पार्टीका समर्थक तथा सङ्गठनले पनि तीनै जनालाई बिनासर्त तत्काल रिहा गर्न दिल्ली पुलिससँग माग गरेका छन्। शनिबार सीजेपी प्रमुख अभिजीत दीपके र राष्ट्रिय प्रवक्ता आशुतोष रांकालाई दिल्ली विमानस्थलमा विमानबाट ओर्लिनेबित्तिकै हिरासतमा लिइएको थियो। जंतरमंतरमा मुख्य निर्वाचन आयुक्तविरुद्ध प्रस्तावित विरोध प्रदर्शनलाई ध्यानमा राख्दै सुरक्षाको कारण देखाएर पुलिसले उक्त कदम चालेको समाचारमा उल्लेख छ।
उल्लेखनीय छ, मुख्य निर्वाचन आयुक्त (सीईसी) ज्ञानेश कुमारको राजीनामा र विशेष गहन पुनरीक्षण (एसआईआर) प्रक्रिया तत्काल रोक्नुपर्ने माग गर्दै पछिल्ला केही दिनदेखि विपक्षी दल, विभिन्न विद्यार्थी सङ्गठन तथा उनीहरूका समर्थकले विरोध प्रदर्शन गर्दै आएका छन्।
हिन्दुस्थान समाचार / भवानी थामी
