मिर्जापुर (उत्तर प्रदेश), ११ अक्टोबर (हि.स.)। विन्ध्याचलमा सञ्चालन भइरहेको शारदीय नवरात्रि मेलामा श्रद्धालुहरूको सुरक्षा र सहज आवागमन सुनिश्चित गर्न यातायात पुलिसले मार्ग परिवर्तन योजना लागू गरेको छ। यातायात क्षेत्राधिकारी गायत्री यादवका अनुसार, २१ अक्टोबर राति १० बजीसम्म मिर्जापुर शहरमा भारी सवारीसाधनको प्रवेश प्रतिबन्धित रहनेछ।
प्रयागराजबाट आउने भारी सवारीसाधनलाई गैपुरा चोकबाट विजयपुर र लालगञ्जतर्फ मोडिनेछ। नटवा तिराहाबाट विन्ध्याचलतर्फ पेट्रोलियम पदार्थ तथा ग्यास बोक्ने सवारीसाधनबाहेक अन्य भारी सवारीसाधनको प्रवेश निषेध गरिएको छ। त्यसैगरी, वाराणसीबाट प्रयागराज जाने भारी सवारीसाधनलाई औराई र रामटेक चोकबाट वैकल्पिक मार्गतर्फ पठाइनेछ।
आवश्यक वस्तुको आपूर्ति गर्ने सवारीसाधनलाई निर्धारित समय र जाँचपछि मात्र प्रवेश दिइनेछ। बालुवा, गिट्टी, मोरङ र फलाम बोकेका सवारीसाधनलाई सहरभित्र प्रवेश गर्न दिइने छैन।
श्रद्धालुहरूका बस तथा चारचक्केसवारीसाधनका लागि अष्टभुजा, कालीखोह, अमरावती, घमहापुर, वाराणसी-जौनपुर बसपार्क र बरतर तिराहासहित विभिन्न स्थानमा पार्किङको व्यवस्था गरिएको छ। निर्धारित पार्किङस्थल भरिएमा सवारीसाधनलाई वैकल्पिक पार्किङस्थलतर्फ पठाइनेछ।
सडकमा जथाभावी सवारीसाधन पार्किङ गर्नेहरूमाथि कारबाही गरिने यातायात प्रहरीले जनाएको छ। एम्बुलेन्स, विद्यालयका बस, यात्रुवाहक बस तथा आपत्कालीन सेवाका सवारीसाधनलाई भने मार्ग परिवर्तनको नियमबाट छुट दिइनेछ। पुलिसले सर्वसाधारणलाई निर्धारित मार्ग र पार्किङस्थलको नियम पालना गर्न आग्रह गरेको छ।
हिन्दुस्थान समाचार / भवानी थामी
