नयाँ दिल्ली, १२ अक्टोबर (हि.स.)। प्रधानमन्त्री नरेन्द्र मोदीले नवरात्रिको दोस्रो दिन सोमवार माता ब्रह्मचारिणीको पूजाअर्चना गरेका छन्। उनले सामाजिक सञ्जाल ‘एक्स’ मा सुभाषितम् साझा गर्दै सबैको कल्याण र समृद्धिका लागि माताको आशीर्वाद मागेका छन्।
प्रधानमन्त्री मोदीले ‘एक्स’ मा लेखेका छन्, “तपस्या, त्याग र दृढ़ सङ्कल्पकी प्रतीक माता ब्रह्मचारिणीसँग सबैलाई साहस र आत्मसंयमको आशीर्वाद प्रदान गर्न प्रार्थना गर्दछु।”
उनले ‘देव्या यया तत्तमिदं जगदात्मशक्तया निश्शेषदेवगणशक्तिसमूहमूर्तया। तामम्बिकामखिलदेवमहर्षिपूज्यं भक्त्या नटः स्म विदधातु शुभानि स नः’ भन्ने सुभाषितम् पनि साझा गरेका छन्।
यस श्लोकको भावार्थ प्रस्तुत गर्दै प्रधानमन्त्रीले आफ्नो शक्तिद्वारा सम्पूर्ण ब्रह्माण्डको सृष्टि गर्ने देवी अनगिन्ती देवताहरूको सामूहिक शक्तिको मूर्तरूप रहेको बताएका छन्। सबै देवता र महान् ऋषिहरूले माता अम्बिकाको दिव्य शक्तिको आह्वान गर्ने र उनको आशीर्वादले सबैको जीवनमा मङ्गल तथा सुख ल्याउने कामना गर्ने उनले उल्लेख गरेका छन्।
हिन्दुस्थान समाचार / भवानी थामी
