कोलकाता, १२ अक्टोबर (हि.स.)। दुर्गापूजाअघि यात्रुहरूको सुविधालाई ध्यानमा राख्दै दक्षिण पूर्व रेलवेले केही विशेष रेलगाडी सञ्चालन गर्ने निर्णय गरेको छ। दिल्ली-साँतरागाछी र शालीमार-चेन्नईबीच यी रेलगाडीहरू सञ्चालन गरिनेछन्। यसबाट पूजाका बेला लामो दूरीको यात्रा गर्ने यात्रुहरूलाई सुविधा पुग्ने अपेक्षा गरिएको छ।
रेलवेका अनुसार, ०४०९४ दिल्ली-साँतरागाछी विशेष रेलगाडी अक्टोबर १४ को राति १२ः३० बजी दिल्लीबाट प्रस्थान गर्नेछ र भोलिपल्ट बिहान ७ः४० बजी साँतरागाछी पुग्नेछ। त्यसैगरी, ०४०९३ साँतरागाछी-दिल्ली विशेष रेलगाडी अक्टोबर १५ को साँझ ६ः१० बजी साँतरागाछीबाट प्रस्थान गर्नेछ र तेस्रो दिन राति १२ः२५ बजी दिल्ली पुग्नेछ।
यी दुवै रेलगाडी भोजुडीह, आद्रा, बाँकुडा, विष्णुपुर, मेदिनीपुर र खड्गपुर स्टेशनमा रोकिनेछन्।
यसैगरी, ०२८४१ शालीमार-चेन्नई बीच विशेष रेलगाडी १५ र २२ अक्टोबर राति ११ः३० बजी शालीमारबाट प्रस्थान गर्नेछ। यो रेलगाडी तेस्रो दिन बिहान ३ बजी चेन्नई बीच स्टेशन पुग्नेछ।
फर्कने क्रममा ०२८४२ चेन्नई बीच-शालीमार विशेष रेलगाडी १७ र २४ अक्टोबर बिहान ६ बजी चेन्नई बीचबाट प्रस्थान गर्नेछ र भोलिपल्ट दिउँसो १ः४५ बजे शालीमार पुग्नेछ।
यी दुवै रेलगाडी साँतरागाछी, खड्गपुर र बालेश्वर स्टेशनमा रोकिने दक्षिण पूर्व रेलवेले जनाएको छ।
हिन्दुस्थान समाचार / भवानी थामी
