मिर्जापुर, १५ अक्टोबर (हि.स.)। उत्तर प्रदेशको मिर्जापुर जिल्ला स्थित जिगना थाना क्षेत्रको सुमतिया गाउँमा बुधवार राति सात वर्षीया बालिकाको मुख थुनेको आरोपमा गाउँलेहरूले एक युवकलाई समातेर पुलिसको जिम्मा लगाएका छन्। घटनापछि गाउँलेहरूले युवकलाई कुटपिट समेत गरेका थिए। पुलिसले संदिग्ध युवकलाई थानामा लगेर सोधपुछ गरिरहेको छ।

गाउँका एक व्यक्ति सुरत स्थित एउटा निजी कारखानामा काम गर्छन्। घटनाका बेला उनकी पत्नी र दुई सन्तान घरमा थिए। प्राप्त जानकारी अनुसार, राति लगभग दुई बजी बालिका घरको बरन्डामा आमाको छेउमा सुतिरहेकी थिइन्। त्यही क्रममा एक युवकले कथित रूपमा उनको मुख थुनेर भाग्न खोजेको बताइएको छ। बालिका चिच्याएको सुनेपछि आमा ब्युँझिइन् र होहल्ला गर्न थालिन्।

आवाज सुनेर वरपरका गाउँलेहरू घटनास्थलमा पुगे र युवकलाई समाते। गाउँलेहरूले उसलाई नियन्त्रणमा लिएर कुटपिट गरे। यसैबीच कसैले पुलिसको आपत्कालीन प्रतिक्रिया वाहन (पीआरभी) लाई घटनाबारे जानकारी गराए। घटनास्थलमा पुगेको पुलिसले युवकलाई गाउँलेहरूको नियन्त्रणबाट मुक्त गराएर आफ्नो कब्जामा लियो। थाना प्रभारी सञ्जय सिंहले घटनाका सम्बन्धमा एक युवकलाई थानामा ल्याएर सोधपुछ भइरहेको बताए। घटनाको अनुसन्धान भइरहेको र युवक विरुद्ध लगाइएको आरोपको पुष्टि अनुसन्धानपछि मात्रै हुनसक्ने उनले स्पष्ट पारे।

हिन्दुस्थान समाचार / भवानी थामी