मुम्बई, १८ अक्टोबर (हि.स.)। महाराष्ट्रको बीड़ जिल्लामा आइतवार दिउँसो एसटी बस र कारबीच भएको ठक्करमा पाँच जनाको मृत्यु भएको छ भने एक जना घाइते भएका छन्। दुर्घटना माजलगाउँ तहसिलमा खामगाउँ–पंढरपुर राष्ट्रिय राजमार्गमा शिन्देवाड़ी फाटा नजिक अविनाश दादा बन्सोडेको पेट्रोल पम्प अगाड़ी भएको हो। दुर्घटनामा ज्यान गुमाउने सबै जना एउटै परिवारका रहेको बताइएको छ। माजलगाउँ ग्रामीण पुलिस थानाको टोलीले घटनाको अनुसन्धान गरिरहेको छ।
पुलिस अधिकारी अनुसार, माजलगाउँ निवासी गजानन रामदासको परिवारका छह जना कारमा तुलजापुर दर्शन गर्न जाँदै थिए। यसै क्रममा शिन्देवाड़ी फाटा नजिक कार अचानक अनियन्त्रित भएर विपरीत दिशाबाट आइरहेको एसटी बससँग ठोक्कियो। ठक्कर यति जोरदार थियो कि कारमा सवार गजानन रामदास सहित पाँच जनाको घटनास्थलमै मृत्यु भयो भने एक जना घाइते भए।
दुर्घटनाको सूचना प्राप्त हुनासाथ स्थानीय मानिसहरू घटनास्थलमा जमा भए। केही समयपछि पुलिसले पनि घटनास्थलमा पुगेर उद्धार तथा राहत कार्य शुरु गर्यो। पुलिसले मृतकहरूको शव आफ्नो नियन्त्रणमा लिएर पोस्टमार्टमका लागि पठाएको छ। घाइते व्यक्तिलाई उपचारका लागि नजिकैको अस्पतालमा भर्ती गरिएको छ।
हाल माजलगाउँ ग्रामीण पुलिसले दुर्घटनाको कारणबारे अनुसन्धान गरिरहेको छ।
हिन्दुस्थान समाचार / भवानी थामी
